Siadzibu Miniejkaŭ na Astravieččynie nabyŭ vytvorca budaŭničych materyjałaŭ
14 lipienia na elektronnych tarhach «BUTB-Majomaść», arhanizavanych Biełaruskaj univiersalnaj tavarnaj biržaj, byŭ pradadzieny były majontak Miniejkaŭ u vioscy Dubniki Astravieckaha rajona, paviedamlaje sb.by.
U skład łota ŭvajšli dvuchpaviarchovy budynak siadziby (da 2005 hoda — dom-internat dla pažyłych i invalidaŭ), administracyjny korpus 1968 hoda, łaźnia-pralnia, stałoŭka, miedpunkt, haražy, składy i haspadarčyja pabudovy.
Jak paviedamiŭ pres-sakratar BUTB Raman Janiŭ, finalny košt łota skłaŭ 1058,4 rubla — na 5% vyšej za startavuju canu. Kupcom stała kampanija z Hrodzienskaj vobłaści, jakaja zajmajecca vytvorčaściu budaŭničych materyjałaŭ.
Siadzibny dom, pabudavany ŭ 1878 hodzie, viadomy tym, što ŭ kancy XIX stahodździa tam žyŭ i pracavaŭ polski piśmieńnik, łaŭreat Nobieleŭskaj premii Hienryk Siankievič. U hetaj siadzibie jon napisaŭ histaryčny raman «Pan Vaładyjoŭski», pryśviečany supraćstajańniu Rečy Paspalitaj i Asmanskaj impieryi.
Zhodna z danymi biržy, za pieršaje paŭhodździe 2025 hoda na płatformie «BUTB-Majomaść» było pradadziena 249 abjektaŭ na ahulnuju sumu 9,9 miljona rubloŭ. U amal sotni vypadkaŭ tarhi prachodzili z udziełam niekalkich pakupnikoŭ, što dazvoliła pradaŭcam atrymać dadatkovuju vyručku ŭ pamiery 2,7 miljona rubloŭ.
Na Viciebščynie pradajuć unikalnuju siadzibu, pa prajekt jakoj haspadary jeździli ŭ dalokuju Brytaniju
«Chočacca, kab my žyli nie z nula». Uładalnik siadziby Horvataŭ raskazaŭ pra restaŭracyju, zachavanyja kaštoŭnaści i «Biełuju pani Naroŭli»
Kupiŭ budynak pad restaran za 262 tysiačy rubloŭ. Ciapier učastak chočuć zabrać, kab pabudavać tam… restaran
Muravanku Chraptovičaŭ u Ščorsach znoŭ vystavili na prodaž za paŭcany
U Hrodnie źnieśli čarhovy dom u histaryčnym centry. Na hramadskim abmierkavańni infarmacyju pra znos utaili ad ludziej
Kiraŭnik Lidy zaklikaŭ siłavikoŭ nie spyniać palityčnych represij28
Kamientary