Індыя рыхтуецца ўдвая скараціць закупкі расійскай нафты праз пякельныя санкцыі ЗША

Індыйскія НПЗ могуць практычна ўдвая скараціць долю расейскай нафты ў імпарце праз закон аб «пякельных санкцыях», які на мінулым тыдні падпісаў прэзідэнт ЗША Дональд Трамп, паведамілі Bloomberg знаёмыя з пытаннем крыніцы.

У гэтым годзе доля расійскіх бараляў на індыйскім рынку дасягала 40%, а ў асобныя месяцы — у чэрвені і ліпені — перавышала 50% праз блакаду Армузскага праліва, які паралізаваў нафтавыя пастаўкі з Блізкага Усходу.

З-за «закона Грэма», які дазваляе Дональду Трампу ўводзіць мыты да 100% у дачыненні да найбуйнейшых пакупнікоў расійскай нафты, Індыя можа скараціць яе долю ў імпарце да 20-30% у найбліжэйшай перспектыве, сказалі крыніцы Bloomberg.

«Таксічныя» баралі расійскага паходжання ўжо не такія выгадныя індыйскім НПЗ, якія закупляюць на сусветным рынку ад 4 да 6 млн бараляў штодня, кампенсуючы за кошт імпарту 90% патрэб у нафце, піша Moscow Times.

Калі раней нафта РФ прадавалася ў Індыі са значнымі зніжкамі, якія дазвалялі эканоміць некалькі мільярдаў даляраў на год, то цяпер яна каштуе даражэй за марку Brent. На мінулым тыдні кошт гатунку Urals у індыйскіх партах дасягаў $133 за барэль, адзначае Bloomberg са спасылкай на звесткі Argus.

Згодна з «законам Грэма», пад 100‑працэнтныя мыты могуць патрапіць 5 найбуйнейшых краін пакупнікоў расійскай нафты за апошнія 12 месяцаў, а таксама пяцёрка дзяржаў, якія больш за ўсё дапамагаюць Крамлю абыходзіць санкцыі. Афіцыйна МЗС Індыі заявіла, што мае намер абараняць нацыянальныя інтарэсы, і прыгразіла ЗША «наступствамі» для двухбаковых адносін.

Але пры гучных дэкларацыях індыйскія НПЗ ужо зніжаюць закупкі: у верасні гэта 1,9 млн барэляў на дзень супраць 2,8 млн у ліпені.

«У канцы мінулага года, калі пад амерыканскія санкцыі трапілі «Раснафта» і «Лукойл» Індыя зніжала імпарт нафты з Расіі ўдвая-да 0,9 млн барэляў за дзень.

Фактычна пры поўным ужыванні санкцый адзіным пакупніком барэляў у РФ мог застацца НПЗ Nayara Energy, які належыць «Раснафце», наракаў тады эксперт Аляксей Громаў.

Згодна з «законам Грэма», прэзідэнт ЗША на працягу 30 дзён можа як увесці мыты, так і адмовіцца іх уводзіць з меркаванняў нацыянальнай бяспекі, або спачатку ўвесці, але пасля скасаваць або прыпыніць іх дзеянне, зноў жа, зыходзячы з інтарэсаў нацбяспекі, нагадвае Наталля Мільчакова, вядучы аналітык Freedom Global.

Імавернасць таго, што Трамп скарыстаецца сваімі паўнамоцтвамі ёсць, мяркуе яна: закон дае яму юрыдычную магчымасць аднаўлення «вайны мытаў» з Кітаем і Індыяй у абыход пастановы амерыканскага суда аб скасаванні ўведзеных у 2025 годзе імпартных тарыфаў для ўсіх краін свету.

«Такім чынам, дакумент тэарэтычна можа стаць для Трампа вагаром ціску на дзяржавы, якія закупляюць расейскую нафту, каб дамагчыся для амерыканскіх тавараў (перш за ўсё сельскагаспадарчай прадукцыі) найлепшых умоў доступу на іх рынкі», — паказвае Мільчакова.

• 0
• 0
• 0
• 0
• 0
• 0
• 0
• 0