«Капейкі заплаціць не могуць». Лукашэнка абурыўся пратэрмінаванымі запазычанасцямі за арэнднае жыллё
«Але не гадамі ж будзем дапамагаць», — зазначыў ён.
Аляксандр Лукашэнка пазначыў праблему пратэрмінаванай запазычанасці за арэнду жылля і камунальныя паслугі на нарадзе аб перспектывах жыллёвага будаўніцтва і павышэнні эфектыўнасці выкарыстання арэнднага жылля, піша БелТА.
«Выклікаюць здзіўленне цэнаўтварэнне і дысцыпліна разлікаў за арэндныя метры. У некаторых выпадках арэндная плата за жыллё ў абласных цэнтрах проста сімвалічная: 30 рублёў на месяц за двухпакаёвую кватэру», — адзначыў ён.
Ён звярнуў увагу, што на гэтым фоне ўзнікае парадокс: пратэрмінаваная запазычанасць за арэнду і камунальныя паслугі ў цэлым па краіне пераваліла за 20 млн рублёў, а даўжнікі гадамі працягваюць карыстацца арандаванымі квадратнымі метрамі. «Капейкі каштуе, і гэта заплаціць не могуць», — абурыўся кіраўнік дзяржавы.
«Вядома, сітуацыі бываюць розныя. Часам чалавек трапіў у бяду, знаходзіцца ў цяжкім становішчы. Яму, можа, і трэба дапамагчы. Але не гадамі ж будзем дапамагаць», — заўважыў Аляксандр Лукашэнка.
«Зафіксаваныя Камітэтам дзяржкантролю факты і сумы сукупных даўгоў паказваюць, што тут нейкая сістэмная недапрацоўка, якую трэба выправіць», — заявіў ён.
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары