На БМЗ абверглі інфармацыю пра скарачэнне работнікаў, але прызналі праблемы
На Беларускім металургічным заводзе (БМЗ) абверглі чуткі пра скарачэнне работнікаў, але прызналі, што сітуацыя на прадпрыемстве складаная, піша «Флагшток».
Намеснік генеральнага дырэктара завода Уладзімір Чавус паведаміў, што першыя месяцы 2025 года былі няпростымі з-за цяжкай сітуацыі на знешніх рынках, асабліва тых, дзе прысутнічае завод. Асноўным рынкам застаецца Расія, а продажы ў Афрыцы і на Блізкім Усходзе не заўсёды прыносяць прыбытак.
Ён адзначыў, што нявыгадна выкарыстоўваць дарагую сыравіну для вытворчасці прадукцыі, якую потым даводзіцца прадаваць па нізкіх цэнах — гэта вядзе да страт.
Тым не менш, Чавус падкрэсліў, што план вытворчасці на май выконваецца нават з перавыкананнем, і выказаў надзею, што ў будучыні з’явіцца магчымасць зноў павышаць заробкі і нават выплачваць людзям 13-ы заробак. Паводле яго слоў, завод працуе з прыбыткам, таму скарачаць людзей не плануюць — гэта магчыма толькі ў экстрэмальнай сітуацыі.
Аднак, як высветліў «Флагшток», не ўсё так добра: супрацоўнікаў прымушаюць браць два дні адпачынку за свой кошт кожны месяц, а прэміі выплачваюцца напалову. У выніку сярэдні даход работнікаў знізіўся прыкладна на 500 рублёў — завод такім чынам ашчаджае за іх кошт.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары