У Гродзенскім заапарку ліса-бабуля стала мамай для малых лісянят ВІДЭА
У Гродзенскім заапарку расказалі цёплую кранальную гісторыю, як адзінокая састарэлая ліса дапамагла двух лісянятам пачаць новае жыццё.
Дзесяць гадоў таму ў заапарку з'явілася маленькая ліса, якую назвалі Жасмін. Яна хутка прыжылася, асвоілася і нават некалькі разоў нараджала лісянят, стаўшы сапраўднай мамай. З часам Жасмін састарэла, пасля чаго больш маладзейшыя і мацнейшыя суродзічы пачалі яе крыўдзіць. Таму супрацоўнікі заапарка вымушаны былі перасадзіць Жасмін у асобны вальер, дзе яна пражыла некалькі гадоў адна.
Сёлета ў заапарк прывезлі дзвюх малых лісічак, якія ў прыродзе непазбежна загінулі б. Адна з іх з паламанай лапкай была знойдзена ў падвале разбуранага дома. Другую, галодную і змучаную, выратавалі супрацоўнікі адной з гродзенскіх устаноў. Пасля ўсіх неабходных фармальнасцяў лісянят прывезлі ў заапарк.
Маленькія лісічкі цяжка перажывалі пераезд. Лісяня з паламанай лапкай было вельмі агрэсіўным, таму атрымала імя Люка (раней яе хацелі назваць Злюка, але ад першай літары адмовіліся). Другая лісічка, Іда, была слабой, знясіленай і часта плакала.
Для супрацоўнікаў гэта стала нечакансцю, бо звычайна лісы ў няволі прыжываюцца добра. Урэшце вырашылі рызыкнуць і падсяліць дзяцей да старой Жасмін.
І здарыўся маленькі цуд — лісяняты, убачыўшы дарослую лісу, супакоіліся і ажывіліся. Іда перастала плакаць, а Люка з агрэсіўнай лісы ператварылася ў вясёлую і гуллівую. Жасмін спачатку паставілася да новых суседак з недаверам, але хутка ў ёй прачнуўся мацярынскі інстынкт. Да канца дня ўсе трое (сытыя, задаволеныя і спакойныя) спалі разам, закручаныя ў клубочак.
Цяпер Жасмін, Люка і Іда жывуць у ветэрынарным корпусе, але неўзабаве пераедуць на «Бабулін дворык», дзе іх змогуць пабачыць госці заапарка.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары