«Стрэл у спіну». Расія абвінаваціла Сербію ў пастаўцы боепрыпасаў Украіне
Расійская Служба знешняй разведкі абвінаваціла Сербію ў тым, што яна таемна пастаўляе боепрыпасы ва Украіну, хоць афіцыйна заяўляе пра нейтралітэт.
Паводле СЗР, сербскія заводы адгрузілі сотні тысяч артылерыйскіх снарадаў і мільёны патронаў, якія праз трэція краіны (такія як Чэхія, Польшча, Балгарыя і некаторыя афрыканскія дзяржавы) трапілі ў Украіну. Для гэтага нібыта выкарыстоўвалі фальшывыя сертыфікаты і схемы з удзелам буйных сербскіх абаронных кампаній.
Расійскія ўлады назвалі такія дзеянні «стрэлам у спіну» і сцвярджаюць, што гэтая зброя выкарыстоўваецца супраць расійскіх вайскоўцаў і мірнага насельніцтва.
Паводле даных выдання Financial Times, да лета 2024 года аб’ём гэтых паставак склаў каля 800 мільёнаў еўра. Прэзідэнт Сербіі Аляксандр Вучыч пацвердзіў гэты факт, падкрэсліўшы, што гэта спрыяе эканамічнаму росту краіны.
Пазней прэм’ер-міністр Сербіі заявіў, што не бачыць падстаў забараняць продаж боепрыпасаў заходнім краінам, нават калі яны потым аказваюцца ва Украіне.
Таксама раней паведамлялася, што ўкраінскія войскі ўжо выкарыстоўвалі сербскія ракеты ER Grad 2000 для абстрэлаў Белгарада. У пачатку 2025 года Сербія скасавала некалькі кантрактаў на закупку расійскай зброі з-за санкцый. Тым не менш, Вучыч усё ж наведаў расійскі парад Перамогі 9 мая.
Цяпер чытаюць
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра1
Пад Слуцкам падчас нелегальных гонак жонка накіравала Range Rover у Subaru мужа. Цяжка пацярпелі чацвёра
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары