У Беларусі выставілі на аўкцыён будынак былога кляштара кармелітаў у Глыбокім Віцебскай вобласці. Упершыню гэты аб’ект спрабавалі прадаць яшчэ ў маі 2022 года ўсяго за адну базавую велічыню.
Аднак за тры гады пакупнікоў так і не знайшлося. Чарговы аўкцыён адбудзецца 11 чэрвеня на пляцоўцы «БелТА-Маёмасць».
Двухпавярховы кляштар кармелітаў з’яўляецца гісторыка-культурнай каштоўнасцю. Ён быў узведзены ў 1735 годзе. На яго тэрыторыі знаходзіліся жылыя карпусы, бібліятэка, шпіталь, аптэка і склады. У 1812 годзе ў кляштары некалькі дзён спыняўся Напалеон Банапарт.
У 1865 годзе манастыр быў закрыты, а на яго тэрыторыі ўзвялі праваслаўную царкву. Да нашых дзён захаваўся толькі адзін з трох карпусоў будынка.
11 гадоў таму суд прызнаў будынак былога кляштара кармелітаў бесгаспадарчым і перадаў яго ў камунальную ўласнасць. За апошнія тры гады некалькі разоў спрабавалі прадаць аб’ект з аўкцыёну за адну базавую велічыню, але безвынікова. З 1 студзеня 2025 года базавая велічыня складае 42 рублі.
Лот уключае будынак агульнай плошчай 1,28 тыс. квадратных метраў і зямельны ўчастак плошчай 0,1001 га з тэрмінам арэнды на 40 гадоў.
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая38
Каментары