U Biełarusi ŭžo try hady pradajuć były klaštar za adnu bazavuju
U Biełarusi vystavili na aŭkcyjon budynak byłoha klaštara karmielitaŭ u Hłybokim Viciebskaj vobłaści. Upieršyniu hety abjekt sprabavali pradać jašče ŭ mai 2022 hoda ŭsiaho za adnu bazavuju vieličyniu.
Adnak za try hady pakupnikoŭ tak i nie znajšłosia. Čarhovy aŭkcyjon adbudziecca 11 červienia na placoŭcy «BiełTA-Majomaść».
Dvuchpaviarchovy klaštar karmielitaŭ źjaŭlajecca historyka-kulturnaj kaštoŭnaściu. Jon byŭ uźviedzieny ŭ 1735 hodzie. Na jaho terytoryi znachodzilisia žyłyja karpusy, biblijateka, špital, apteka i składy. U 1812 hodzie ŭ klaštary niekalki dzion spyniaŭsia Napaleon Banapart.
U 1865 hodzie manastyr byŭ zakryty, a na jaho terytoryi ŭźviali pravasłaŭnuju carkvu. Da našych dzion zachavaŭsia tolki adzin z troch karpusoŭ budynka.
11 hadoŭ tamu sud pryznaŭ budynak byłoha klaštara karmielitaŭ bieshaspadarčym i pieradaŭ jaho ŭ kamunalnuju ŭłasnaść. Za apošnija try hady niekalki razoŭ sprabavali pradać abjekt z aŭkcyjonu za adnu bazavuju vieličyniu, ale biezvynikova. Z 1 studzienia 2025 hoda bazavaja vieličynia składaje 42 rubli.
Łot uklučaje budynak ahulnaj płoščaj 1,28 tys. kvadratnych mietraŭ i ziamielny ŭčastak płoščaj 0,1001 ha z terminam arendy na 40 hadoŭ.
Kamientary