Старшыня Следчага камітэта: За пратэсты 2020 года асудзілі больш за 6000 чалавек
Пасля 2020 года ў Беларусі 77 чалавек асудзілі за «здраду дзяржаве».
За пратэсты 2020 года ў Беларусі асуджаныя больш за 6000 чалавек.
«Следствам устаноўленыя і сабраныя доказы, якія дазволілі асудзіць больш за 6 тысяч экстрэмістаў, якія выношвалі планы фізічнай ліквідацыі кіраўніцтва краіны, змены канстытуцыйнага ладу і прывядзення ва ўлады антынароднага марыянеткавага ўрада.
Адным з інструментаў дасягнення злачыннай мэты абраная тактыка цкавання і расправы ў дачыненні да дзяржаўных службоўцаў, супрацоўнікаў праваахоўных органаў, вайскоўцаў, іх сем'яў і блізкіх. Экстрэмісцкія тэлеграм-рэсурсы фармавалі расстрэльныя спісы прадстаўнікоў улады і сілавікоў», — заявіў старшыня Следчага камітэта Дзмітрый Гара, выступаючы на Пецярбургскім міжнародным юрыдычным форуме 19 мая.
Па яго словах, пасля 2020 года ў Беларусі 77 чалавек асудзілі за «здраду дзяржаве».
Гара заявіў таксама, што пяць кіраўнікоў добраахвотніцкіх фармаванняў, якія ваююць за Украіну і знаходзіліся за мяжой, завочна асудзілі на тэрміны ад 12 да 20 гадоў. Ён дадаў, што 6 чалавек узятыя пад варту, 125 абвешчаныя ў вышук.
Восем беларускіх праваабарончых арганізацый звярнуліся да Палаты прадстаўнікоў у сувязі з праектам закона аб амністыі
У расійскую базу вышуку за паўгода дадалі больш за 1200 беларусаў. Шмат вядомых прозвішчаў
За студзень па палітычных крыміналках асудзілі мінімум 89 чалавек. Але гэта найменшы вынік за апошні час
Пакаянне за палку каўбасы. Як за дапамогу сем’ям палітвязняў асудзілі 39 чалавек
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»4
Каментары
Гордится террором и репрессиями населения.