Staršynia Śledčaha kamiteta: Za pratesty 2020 hoda asudzili bolš za 6000 čałaviek
Paśla 2020 hoda ŭ Biełarusi 77 čałaviek asudzili za «zdradu dziaržavie».
Za pratesty 2020 hoda ŭ Biełarusi asudžanyja bolš za 6000 čałaviek.
«Śledstvam ustanoŭlenyja i sabranyja dokazy, jakija dazvolili asudzić bolš za 6 tysiač ekstremistaŭ, jakija vynošvali płany fizičnaj likvidacyi kiraŭnictva krainy, źmieny kanstytucyjnaha ładu i pryviadzieńnia va ŭłady antynarodnaha maryjanietkavaha ŭrada.
Adnym ź instrumientaŭ dasiahnieńnia złačynnaj mety abranaja taktyka ckavańnia i raspravy ŭ dačynieńni da dziaržaŭnych słužboŭcaŭ, supracoŭnikaŭ pravaachoŭnych orhanaŭ, vajskoŭcaŭ, ich siemjaŭ i blizkich. Ekstremisckija telehram-resursy farmavali rasstrelnyja śpisy pradstaŭnikoŭ ułady i siłavikoŭ», — zajaviŭ staršynia Śledčaha kamiteta Dźmitryj Hara, vystupajučy na Pieciarburhskim mižnarodnym jurydyčnym forumie 19 maja.
Pa jaho słovach, paśla 2020 hoda ŭ Biełarusi 77 čałaviek asudzili za «zdradu dziaržavie».
Hara zajaviŭ taksama, što piać kiraŭnikoŭ dobraachvotnickich farmavańniaŭ, jakija vajujuć za Ukrainu i znachodzilisia za miažoj, zavočna asudzili na terminy ad 12 da 20 hadoŭ. Jon dadaŭ, što 6 čałaviek uziatyja pad vartu, 125 abvieščanyja ŭ vyšuk.
Vosiem biełaruskich pravaabarončych arhanizacyj źviarnulisia da Pałaty pradstaŭnikoŭ u suviazi z prajektam zakona ab amnistyi
U rasijskuju bazu vyšuku za paŭhoda dadali bolš za 1200 biełarusaŭ. Šmat viadomych proźviščaŭ
Za studzień pa palityčnych kryminałkach asudzili minimum 89 čałaviek. Ale heta najmienšy vynik za apošni čas
Pakajańnie za pałku kaŭbasy. Jak za dapamohu siemjam palitviaźniaŭ asudzili 39 čałaviek
Kamientary
Horditsia tierrorom i rieprieśsijami nasielenija.