Vosiem biełaruskich pravaabarončych arhanizacyj źviarnulisia da Pałaty pradstaŭnikoŭ u suviazi z prajektam zakona ab amnistyi
«Bolšaść asudžanych, na jakich nie raspaŭsiudžvajecca dziejańnie zakonaprajekta, byli asudžanyja za realizacyju pravoŭ, harantavanych Kanstytucyjaj i mižnarodnymi abaviazalnictvami Biełarusi (u tym liku na svabodu vykazvańnia mierkavańnia i mirnyja schody)», — zaznačajuć aŭtary zvaroty.
Vosiem biełaruskich pravaabarončych arhanizacyj źviarnulisia da Pałaty pradstaŭnikoŭ u suviazi z prajektam zakona ab amnistyi. Kopija zvarotu była nakiravana taksama ŭ Saviet Respubliki Nacyjanalnaha schodu Respubliki Biełaruś i Administracyju Prezidenta Respubliki Biełaruś.
«U ciapierašniaj redakcyi zakonaprajekta vyklučanaja mahčymaść prymianieńnia amnistyi da asudžanych pa šerahu artykułaŭ Kryminalnaha kodeksa, jakija aktyŭna vykarystoŭvalisia suprać udzielnikaŭ mirnych pratestaŭ i ludziej, nie zhodnych ź dziaržaŭnaj palitykaj. Taki padychod supiarečyć pryncypam spraviadlivaści, humanizmu i pavahi da pravoŭ čałavieka», — zaznačajuć aŭtary zvarotu.
Bolšaść asudžanych, na jakich nie raspaŭsiudžvajecca dziejańnie zakonaprajekta, byli asudžanyja za realizacyju pravoŭ, harantavanych Kanstytucyjaj i mižnarodnymi abaviazalnictvami Biełarusi (u tym liku na svabodu vykazvańnia mierkavańnia i mirnyja schody). Hetyja ludzi nie ŭžyvali hvałtoŭnyja mietady pry realizacyi svaich pravoŭ.
Značnaja častka takich asudžanych ciapier znachodzicca ŭ vielmi ŭraźlivym stanie z-za ŭzrostu, stanu zdaroŭja i ŭmovaŭ utrymańnia, jakija mohuć być kvalifikavanyja jak žorstkaje i prynižajučaje hodnaść abychodžańnie. Adsutnaść realnaj miedycynskaj dapamohi, ciažkija ŭmovy ŭtrymańnia ŭ miescach pazbaŭleńnia voli stvarajuć pastajannuju pahrozu dla žyćcia i zdaroŭja ludziej.
Pravaabaroncy zaklikajuć admovicca ad dyskryminacyjnaha padychodu i raspaŭsiudzić dziejańnie amnistyi na ŭsich asobaŭ, asudžanych pa tak zvanych złačynstvach «ekstremisckaj nakiravanaści», pierahledzieŭšy adpaviednym čynam abzac 11 artykuła 13 zakonaprajekta, vyklučyŭšy abzac 14 hetaha ž artykuła i słovy «a taksama złačynstvy ekstremisckaj nakiravanaści» z častki 3 artykuła 12 zakonaprajekta.
Zvarot padpisali: Biełaruski Chielsinkski kamitet, Pravavaja inicyjatyva, Pravaabarončy centr «Viasna», Respect-Protect-Fulfill, Biełaruski PEN, Lawtrend, Human Constanta i Biełaruskaja asacyjacyja žurnalistaŭ
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary