На дзіцячай пляцоўцы ў Гданьску хлопчык адмовіўся гуляць з беларускай дзяўчынкай. Яе бацька пачаў яго душыць
У Гданьску 37-гадовы грамадзянін Беларусі напаў на 8-гадовага хлопчыка. Так ён адрэагаваў на тое, што дзіця адмовіўся пагуляць з яго дачкой. Цяпер мужчыну пагражае турэмнае зняволення, піша Most.
Усё пачалося з таго, што на дзіцячай пляцоўцы паміж дзецьмі адбылася сварка. Дзяўчынка прыйшла дадому і паскардзілася бацьку, што хлопчык не хоча з ёй гуляць. Гэта раз'юшыла аднаго з бацькоў. Ён выйшаў на пляцоўку, схапіў «крыўдзіцеля» за шыю, сціснуў яе і пачаў пагражаць дзіцяці. А затым вярнуўся дадому.
Хлопчык не пацярпеў, але на месца здарэння выклікалі паліцэйскіх. Па паказаным адрасе яны знайшлі вельмі нецвярозага мужчыну. Ён аказаўся 37-гадовым беларусам. Пазней тэст паказаў 2,5 праміле алкаголю ў яго арганізме. Мужчыну адвезлі ў выцвярэзнік, дзе ён правёў ноч.
Калі ж ён працверазеў, яму выставілі абвінавачванне ў парушэнні цялеснай недатыкальнасці непаўналетняга і злачынных пагрозах у яго адрас. Па першым абвінавачванні ў Польшчы можа пагражаць да года пазбаўлення волі, а па другім — да трох.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы40
Каментары