Нядаўна вызвалены былы палітзняволены Юрась Зянковіч даў інтэрв'ю выданню Deutsche Welle, у якім даволі падрабязна расказаў, якім быў працэс ягонага вызвалення.
Юрась Зянковіч апісвае працэс свайго вызвалення так:
«Я пачаў падазраваць, што маё вызваленне набліжаецца, калі ў жніўні 2024 года мяне перавялі з магілёўскай турмы ў СІЗА КДБ. Тады ж знялі першае відэа, на якім я выглядаў як вязень канцлагера — гэта было праз тры месяцы пасля галадоўкі. У КДБ мне паведамілі, што пачаўся зваротны адлік — вызваленне чакаецца, хоць дакладных тэрмінаў не называлі.
Канчаткова я зразумеў, што рыхтуецца вызваленне, 3 студзеня, калі з мазырскай калоніі мяне зноў перавезлі ў СІЗА КДБ — ужо не ў аўтазаку, а ў легкавой машыне. Там адбылася сустрэча з прадстаўнікамі ўрада ЗША, пасля чаго я амаль бесперапынна знаходзіўся ў «амерыканцы», чакаючы даты.
Раніцай 29 красавіка мне паведамілі, што трэба збірацца — спачатку я падумаў, што гэта для здымак або нейкай сустрэчы, але хутка стала зразумела, што вызваленне рэальнае. Ва ўсім СІЗА адмянілі прагулкі.
Мяне з рукамі за спінай і апушчанай галавой вывелі за межы турмы і правялі ў будынак КДБ, дзе ў канферэнц-зале адбылася сустрэча з Іванам Церцелем. Ён паведаміў, што рашэннем Рады бяспекі, па ініцыятыве Лукашэнкі, мяне вызваляюць.
На наступны дзень, 30 красавіка, мяне афіцыйна вывелі з камеры. Пасля прыкладна сямі гадзін чакання ў памяшканнях СІЗА прыехалі байцы групы «Альфа» і ўжо без кайданкоў вывелі мяне за вароты турмы. Нават рэчы гэтым разам нёс не я, а супрацоўнікі турмы. Мяне пагрузілі ў легкавую машыну і мы выехалі з Мінска ў бок мяжы з Літвой.
Прыкладна за Ашмянамі мы павярнулі ў лес, дзе чакалі іншую машыну. Прыехала яшчэ адна група «Альфы». Усе яны былі ў балаклавах, шчыльна шыфраваліся, пастаянна мянялі нумары на аўтамабілях. Пасля гэтага мяне перавялі ў іншую, яшчэ больш дарагую машыну — «Мерсэдэс».
Мы чакалі, пакуль пад’едзе калона дыпламатычных аўто. Калі яе заўважылі, далучыліся ззаду. Прыкладна праз паўкіламетра калона павярнула на другарадную дарогу ў бок нейкага невялікага населенага пункта. Там мяне ўжо непасрэдна перадалі амерыканскаму боку.
Мяне пасадзілі ў дыпламатычны аўтамабіль і паведамілі, што я пад абаронай ЗША, што зараз мы праедзем праз дыпламатычны калідор на мяжы. Сказалі, што ў амбасадзе мяне сустрэнуць, асабіста выйдзе спадарыня пасол. Папярэдзілі, што трэба будзе сказаць некалькі слоў, магчымыя званкі ад высокапастаўленых асоб з Вашынгтона, магчыма нават ад прэзідэнта Трампа».
Зянковіч: Лукашэнка спачатку даў мне і Фядуту мянушку Віні-Пух, а пасля назваў Усамам бен Ладэнам
Зянковіч пра Верамейчыка: Ужывалі фізічны гвалт, каб прымусіць яго сказаць на БТ тое, што хочуць пачуць
«Быў упэўнены, што я недатыкальная асоба для расіян». Першае інтэрв'ю Юрася Зянковіча на свабодзе
Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША
Наталля Эйсмант: Зянковіча вызвалілі па просьбе Вашынгтона
Цяпер чытаюць
БНТУ: Выкладчык, які ўцякаў ад міліцыі, памёр ад сардэчнага прыступу9
Каментары
Жыве, жыла і будзе жыць без твайго бчб закліка.
Некалі, каля ста гадоў таму, я пісаў на гэтым форуме, што мы нацыя, якая ніколі ні пры якіх абставінах не аб'ядноўваецца. Азірніціся чытачы НН вакол свайго жыцця і знайдзіце памылку ў тым маім сказе. Гэта наша НОРМА быцця - не аб'ядноўвацца, якая датычыцца толькі нас беларусаў.
Дык вось, гэты амерыканец і гэты Жыве! ні халеры не рубяць у нашым менталітэце.