Памятаеце пару студэнткі і выкладчыка, дзе ён старэйшы на 31 год? Аказваецца, ён быў святаром, а яна вучылася на рэгентку
Мужчына закахаўся ў маладую дзяўчыну, кінуў працу святара і развёўся з жонкай, каб быць з Анфісай.
Летась Сяргей і Анфіса Федарук сталі зоркамі сацыяльных сетак. Гісторыю кахання студэнткі і выкладчыка, які старэйшы за дзяўчыну на 31 год, абмяркоўваў шмат хто.
Тады яны расказвалі, што пазнаёміліся ў нейкім мінскім каледжы, дзе Анфіса вучылася на дырыжорку.
У хуткім часе пасля першага пацалунку Сяргей зразумеў, што рана ці позна пра раман стане вядома, а яго праца выкладчыкам будзе скончана. Таму праз паўгода звольніўся сам. Анфіса перайшла на завочнае аддзяленне, але дыплом атрымаць так і не змагла. Яна казала, што педагагічны калектыў не быў гатовы прыняць усю гэтую сітуацыю, таму ёй прыйшлося кінуць вучобу.
Нядаўна Анфіса вырашыла расказаць пра іх гісторыю кахання больш падрабязна.
Аказалася, Сяргей шмат гадоў быў праваслаўным святаром, а Анфіса вучылася ў духоўным вучылішчы: першыя два гады на пеўчага, а потым яшчэ амаль тры на рэгента (кіраўніцу царкоўнага хору).
Дзяўчына кажа, што бывала ў царкве з маленства, з сямі гадоў пачала трымаць пост. Таму не дзіўна, што хацела звязаць сваю будучыню з царквой і паступіць у духоўнае вучылішча на рэгента.
— Я марыла туды паступіць з 15 гадоў. Амаль кожны дзень хадзіла на службы, глядзела на хор, слухала спевы, падпявала ўбаку і захаплялася. Паступаць на дзённае аддзяленне на рэгента можна было толькі пасля 11 класа. Мне паставілі ўмову, што пасля 9 класа мяне прымуць на вячэрняе аддзяленне на пеўчага, а адначасова я буду заканчваць 10—11 клас у школе. А пасля 11 класа перавядуся на дзённае аддзяленне на рэгента.
Так і адбылося. Але ж у жыцці ўсё аказалася складана: выходны ў Анфісы быў толькі адзін — панядзелак. У іншыя будні па пяць пар плюс індывідуальныя заняткі. У суботу і нядзелю практыка ў царкве. Дзяўчына скардзіцца, што часу на жыццё ў яе зусім не заставалася. Праз гэта ёй прыйшлося кінуць свой блог на YouTube, які Анфіса вяла з 10 гадоў. Там было больш за 56 тысяч падпісчыкаў.
Плюс да таго для студэнтаў духоўнага вучылішча існавала шмат забарон, якія Анфісе было складана прыняць. Напрыклад, патрабавалі ствараць набожны вобраз у сацыяльных сетках. А маладой дзяўчыне хацелася выкладаць фотаздымкі ў міні-спадніцах і купальніках.
Анфіса за два гады набрала 30 кілаграмаў, перастала цікавіцца тым, як выглядае, а думала толькі пра вучобу. У асабістым жыцці дзяўчыны кіпелі жарсці.
У 15 гадоў, па яе словах, да яе заляцаўся дыякан, які хацеў рамантычных адносін з непаўналетняй. Атрымаўшы адмову, ён пачаў распускаць плёткі, быццам дзяўчына сама спрабавала яго спакусіць.
— У 18 гадоў ледзь не выйшла замуж па бласлаўленні за ўцаркоўленага маладога аб'юзера, які зрабіў мне прапанову ў царкве! Бацюшка казаў, што ён мой лёс. Але Госпад ведае больш, чым любы бацюшка.
Дзяўчына расказвае, што той самы хлопец (ён быў дзячком) падымаў на яе руку і кідаўся на яе з нажом, пасля чаго Анфіса звярнулася ў міліцыю. Яна таксама кажа, што пасля дзячок нейкі час пераследаваў яе і пагражаў.
Сяргей жа больш за 30 гадоў быў святаром. У сацсетках Анфіса распавядае, што зарабляў яе абраннік каля 200 даляраў, таму ўвесь час быў вымушаны падпрацоўваць — выкладчыкам, кухарам, таксістам ці грузчыкам.
У мужчыны на момант пачатку раману са студэнткай была сям’я: жонка і дзеці (ужо ўсе дарослыя). Анфіса тлумачыць: для Сяргея было немагчымым развесціся з першай жонкай, ажаніцца другі раз і пасля ўсяго гэтага застацца святаром. Таму трэба было абраць адзін з трох варыянтаў: расстацца з Анфісай, хаваць раман, каб захаваць сан, ці развесціся і пакінуць царкву.
Дзяўчына сцвярджае, што ёй самой на педагагічнай радзе раілі «быць разумнейшай» і не афішаваць адносін з каханым, каб і ён застаўся святаром, і яна атрымала дыплом.
Бацькі Анфісы, дарэчы, добра прынялі яе абранніка — хоць ён нават старэйшы за тату дзяўчыны. Летась пара афіцыйна пабралася шлюбам, а працаваць маладыя вырашылі блогерамі. Іх блогі ў розных сацыяльных сетках сапраўды актыўна растуць.
У інстаграме на два іх акаўнты падпісана агулам 50 тысяч чалавек. У тыктоку яны маюць больш за 72 тысячы падпісчыкаў і яшчэ каля 9 тысяч падпісчыкаў у тэлеграме.
Сёлета пара выехала з Беларусі — дзяўчына сцвярджае, што назаўсёды. Матывацыя простая: вырашылі, што відэа можна здымаць у любой краіне, а трымацца за Мінск асаблівага сэнсу няма. Але з канчатковым месцам для жыцця не вызначыліся. Сяргей і Анфіса хочуць пажыць у розных краінах і гарадах, каб зразумець, дзе лепш за ўсё сябе адчуваюць. Цяпер, напрыклад, яны вандруюць па Ізраілі.
23-гадовая беларуска выжыла ў жудасным ДТЗ, але цяпер не можа хадзіць. Яе гісторыя даказвае, што каханне існуе
Наталля Цылінская: Замужам я была чатыры разы. Мы створаны, каб нас насілі на руках, калі крыху буйнейшая — пакліч сябра
Дачка дэпутата з Ашмян трапіла на дзяржслужбу. Для гэтага яна кінула неўязнога хлопца
Чаму мы ўлюбляемся? Навукоўцы абвяргаюць стэрэатыпы
Каментары
Маразм эти люди продвигают не традиционные ценности ,а гетеросексуальный секс.
Один жену в шклове оставил и от любовниц плодит детей. Другой его друг вова,бросил жену ушел к молодой,молодой исполнилось 30 бросил и ее и нашел еще моложе.... И это и есть крепкая традиционная семья....
Уйти в ксендзы, завести жену и детей, заняться бизнесом с режимом Лукашенко.