У Гомелі «Рускі дом» пад маўчанне ідэолагаў масава раздае георгіеўскія стужкі
Блогер Андрэй Павук патэлефанаваў у «Рускі дом» у Гомелі, спрабуючы высветліць, наколькі законная акцыя Рассупрацоўніцтва па раздачы да 9 мая расійскіх георгіеўскіх стужак. Як паведамляе «Флагшток», гомельскае аддзяленне гэтай расійскай арганізацыі распаўсюджвае такія стужкі сярод работнікаў дзяржпрадпрыемстваў.
«Рускі дом» заклікаў актывістаў да раздачы георгіеўскіх стужак у Гомелі. Ніколі раней ён афіцыйна гэтага не рабіў. Пасля таго як георгіеўская стужка стала сімвалам захопу ўкраінскіх тэрыторый у 2014 годзе, ідэолагі Лукашэнкі стварылі і сталі прасоўваць свой варыянт сімвала перамогі — кветка яблыні з чырвона-зялёнай стужкай. А георгіеўская стужка дэ факта стала ў Беларусі непажаданай. Але цяпер мясцовая вертыкаль улады наўрад ці можа супрацьстаяць ідэалагічнай дыверсіі.
На званок блогера Андрэя Павука ў «Рускім доме» адказалі, што «людзі прыходзяць і бяруць удзел у гэтай акцыі»:
«Як яны будуць выкарыстоўваць стужкі, гэта іх справа».
Пасля ўдакладняючага пытання, ці не будуць за публічныя раздачу і нашэнне стужак караць, у «Рускім доме» кінулі слухаўку.
Тады блогер патэлефанаваў кіраўніку «Рускага дома» Аляксандру Маржухіну, які таксама ўхіліўся ад адказу на пытанне пра адказнасць:
«Гэта жаданне кожнага чалавека. Людзі, якія да нас прыходзяць, потым надзяюць і на машыны вешаюць, я бачу. З нагоды адказнасці я вам адказаць не змагу. Афіцыйна, паводле заканадаўства, ніякіх забаронаў няма. А што там у кожнага ў галаве… Змагаліся ўсе ў адной краіне за адну перамогу».
Пры гэтым Маржухін заявіў, што «не ўлазіць у палітычныя справы»:
«Да мяне прыйшоў чалавек, які сказаў, што яму трэба дзве тысячы стужак, і я іх ведаю, каму раздаць. Узяў дзве тысячы і пайшоў. Гэта прыйшоў беларус, з Гомеля. Таму ніхто не баіцца, а перастрахоўваюцца кіраўнікі».
На званок «Флагштока» ад імя неабыякавага грамадзяніна ідэолаг Цэнтральнага раёна Гомеля адказала, што гэта «справа выбару кожнага» — якія менавіта стужачкі выкарыстоўваць. Супраць нашэння георгіеўскіх стужачак ідэолаг не выказвалася.
У гродзенскай школе папрасілі не выкарыстоўваць у малюнках георгіеўскую стужку. Бондарава ў шале
Беларус з ДНЖ ехаў у Літву з вымпелам ПДВ СССР і георгіеўскай стужкай. Вынік прадказальны
Беларус спрабаваў уехаць у Літву з налепкай «СССР» на машыне. Наіўны
Суддзя, які ўцёк у Мінск, прыйшоў на інтэрв'ю з георгіеўскай стужкай — яго назвалі «польскім дысідэнтам»
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары