«Не спраўляюцца ні навукоўцы, ні рыбакі». Беларусы вёдрамі ловяць гэту рыбу, якая распаўсюдзілася ў вадаёмах
Некалі дзіўная для беларускіх вадаёмаў рыба хутка акліматызавалася і паспяхова асвоіла мясцовую экасістэму.
Амерыканскі сомік (Ameiurus nebulosus) стаў сапраўдным няшчасцем ракі Мухавец і многіх азёр Брэсцкай вобласці. Справіцца з ім не пад сілу ні навукоўцам, ні рыбаловам, але апошнія не здаюцца, піша партал fishingby.com.
З пацяпленнем для многіх брэсцкіх рыбакоў няпрошаны амерыканскі госць стаў асноўнай рыбай ва ўловах. І хоць сомік не можа пахваліцца буйнымі памерамі, колькасць ахвотных парыбачыць на яго павялічваецца з кожным годам. Прычына ў тым, што значна вырасла колькасць гэтай рыбы, і ў яе непераборлівасці. «Амерыканец» выдатна ловіцца на звычайнага чарвяка і многія іншыя прынады жывёльнага паходжання, галоўнае — знайсці месца, дзе яго шмат.
Падчас непрацяглай рыбалкі 4 красавіка на возеры Лукава рыбалоў Уладзімір Пархоц налавіў цэлае вядро сомікаў. «Учора з 17:00 да цемры прайшоўся па інвазіўнай рыбе. Спачатку браў нядрэнна і нармальнага памеру, а з надыходам змяркання падышла дробязь. Трохі я яго шэрагі парадзіў», — расказаў Уладзімір пра гэту рыбалку.
Па словах брэсцкіх аматараў рыбнай лоўлі, цяпер на амерыканскага соміка рыбачаць не толькі мясцовыя жыхары, але і рыбакі з іншых абласцей Беларусі. Так як норма вылаву на яго здабычу не вызначана, то многія ловяць літаральна вёдрамі. Сомік хоць і малы, але добры ў смажаным і вэнджаным выглядзе, так што гэта «дабро» ў дасведчаных рыбакоў не прападае.
Рыбалка на амерыканскага соміка не толькі цікавая, але і прыносіць значную карысць беларускай прыродзе, дапамагаючы стрымліваць рост папуляцыі няпрошанага госця.
-
Леанарда Дзі Капрыа і жонка мільярдэра Джэфа Безаса запусцілі сумесны праект
-
Інтэрнэт-шопінг стаў новым спосабам барацьбы са стрэсам для пакалення Z. Прычым задавальненне часта прыносіць сам працэс, а не пакупка
-
Прафесійны догляд без візіту ў салон: легендарны брэнд WAHL выпусціў лінейку для стрыжкі дома
Цяпер чытаюць
Бабарыка зоймецца бізнэсам — ужо адкрыў кампанію ў Германіі17
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары