«Nie spraŭlajucca ni navukoŭcy, ni rybaki». Biełarusy viodrami łoviać hetu rybu, jakaja raspaŭsiudziłasia ŭ vadajomach
Niekali dziŭnaja dla biełaruskich vadajomaŭ ryba chutka aklimatyzavałasia i paśpiachova asvoiła miascovuju ekasistemu.
Amierykanski somik (Ameiurus nebulosus) staŭ sapraŭdnym niaščaściem raki Muchaviec i mnohich azior Bresckaj vobłaści. Spravicca ź im nie pad siłu ni navukoŭcam, ni rybałovam, ale apošnija nie zdajucca, piša partał fishingby.com.
Z paciapleńniem dla mnohich bresckich rybakoŭ niaprošany amierykanski hość staŭ asnoŭnaj rybaj va ŭłovach. I choć somik nie moža pachvalicca bujnymi pamierami, kolkaść achvotnych parybačyć na jaho pavialičvajecca z kožnym hodam. Pryčyna ŭ tym, što značna vyrasła kolkaść hetaj ryby, i ŭ jaje niepieraborlivaści. «Amierykaniec» vydatna łovicca na zvyčajnaha čarviaka i mnohija inšyja prynady žyviolnaha pachodžańnia, hałoŭnaje — znajści miesca, dzie jaho šmat.
Padčas niepraciahłaj rybałki 4 krasavika na voziery Łukava rybałoŭ Uładzimir Parchoc nałaviŭ cełaje viadro somikaŭ. «Učora z 17:00 da ciemry prajšoŭsia pa invaziŭnaj rybie. Spačatku braŭ niadrenna i narmalnaha pamieru, a z nadychodam źmiarkańnia padyšła drobiaź. Trochi ja jaho šerahi paradziŭ», — raskazaŭ Uładzimir pra hetu rybałku.
Pa słovach bresckich amataraŭ rybnaj łoŭli, ciapier na amierykanskaha somika rybačać nie tolki miascovyja žychary, ale i rybaki ź inšych abłaściej Biełarusi. Tak jak norma vyłavu na jaho zdabyču nie vyznačana, to mnohija łoviać litaralna viodrami. Somik choć i mały, ale dobry ŭ smažanym i vendžanym vyhladzie, tak što heta «dabro» ŭ daśviedčanych rybakoŭ nie prapadaje.
Rybałka na amierykanskaha somika nie tolki cikavaja, ale i prynosić značnuju karyść biełaruskaj pryrodzie, dapamahajučy strymlivać rost papulacyi niaprošanaha hościa.
-
Prafiesijny dohlad bieź vizitu ŭ sałon: lehiendarny brend WAHL vypuściŭ liniejku dla stryžki doma
-
Zładziła dzień naradžeńnia dla darahoha sabaki maltypu, maryć pra ŭnukaŭ: jak ciapier žyvie Anžalika Ahurbaš
-
Biełarus pieški idzie 3000 kiłamietraŭ z Varšavy da Ispanii — hatovy nočyć u lesie i mycca ŭ rečcy
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary