Праязны на два віды грамадскага транспарту Мінска цяпер каштуе 114 рублёў, а праязны на 5 відаў — 98 рублёў
З 10 красавіка ў Мінску падаражэў праезд. Сёння ў касах ужо вывесілі новыя цэннікі, а на сайце «Мінсктранса» абнавіўся файл з тарыфамі, піша Blizko.by.
Талончык на адну паездку каштуе 95 капеек (пры пакупцы ў вадзіцеля — 1 рубель), жэтон на метро — 1 рубель. «Адзіны» праязны на месяц на 4 віды транспарту (аўтобус, тролейбус, трамвай, метро) цяпер каштуе 56,97 рубля (папярэдні кошт — 51,05 рубля).
Найдаражэйшы праязны цяпер каштуе 113 рублёў 97 капеек — гэта праязны на 30 дзён на 2 віды транспарту: метро і цягнікі «гарадскіх ліній» БЧ.
Дзіўна, але праязны на 5 відаў транспарту каштуе танней: 98 рублёў 35 капеек. Гэта праязны на 30 дзён на аўтобусы, тралейбусы, трамваі, метро і цягнікі «гарадскіх ліній» БЧ.
Гэтая залежнасць захоўваецца і для праязных на больш кароткія тэрміны: на 3, 5 і 10 сутак.
Прычым захоўваецца яна ўжо больш за паўтара года, з жніўня 2023 года, калі ўвялі новы так званы «адзіны праязны».
Застаецца незразумелым, ці набывае хтосьці больш дарагія праязныя з меншымі магчымасцямі, калі можна купіць больш танны праязны з большымі магчымасцямі.
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары