«Патрыятычны флэшмоб» у Гомелі апынуўся пад пагрозай зрыву. Надта дарагія паслугі міліцыі
Гомельская група прыхільнікаў Аляксандра Лукашэнкі мела намер 24 красавіка правесці ў абласным цэнтры «аўтафлэшмоб», але 2 красавіка яго давялося скасаваць «праз адсутнасць фінансавання». Пра гэта даведаўся «Флагшток» у адным з тэматычных чатаў.
Акцыю планавалася прымеркаваць да «80-годдзя Перамогі» і правесці на пляцоўцы перад Лядовым палацам. Пры гэтым, як і пры ўсіх масавых мерапрыемствах, патрабавалася зрабіць папярэднюю аплату міліцыі за паслугу па ахове грамадскага парадку падчас акцыі.
Тарыфы міліцыянераў адбілі ў ініцыятараў усялякую ахвоту праводзіць флэшмоб. Арганізатарка мерапрыемства Кацярына 2 красавіка паведаміла, што за акцыю з больш чым сотняй удзельнікаў МУС патрабуе ажно 150 базавых велічынь:
«Правядзенне аўтафлэшмоба, запланаванага на 24.04.2025, адмяняецца ў сувязі з адсутнасцю фінансавання. І гэта не першакрасавіцкі жарт. 6300 руб — за «ахову правапарадку» на мерапрыемстве — нерэальна выцягнуць».
Як стала зразумела па паведамленнях у чаце, ініцыятары маюць дамоўленасць з уладамі і ўсё ж спадзяюцца зладзіць флэшмоб у іншым месцы горада неафіцыйна — без выплаты ўзнагароджання міліцыі.
Сярод удзельнікаў гэтай групы — кіраўнік абласной арганізацыі Беларускага прафсаюза работнікаў будаўніцтва і прамбудматэрыялаў, першы сакратар абласнога камітэта КПБ Дзмітрый Мурашка, старшыня абласной арганізацыі «патрыётаў Беларусі» Наталля Пяшэвіч, кіраўнік беларускага грамадскага аб'яднання «Русь» Арцём Сакоўскі.
Характэрна, што ў 2022 годзе ініцыятары не змаглі ўзгадніць падобную акцыю да Дня Перамогі з-за ўварвання расійскіх войскаў з тэрыторыі Беларусі. Пазней, у жніўні 2022 года, ініцыятыўная група змагла правесці акцыю да Дня горада. Але яна атрымалася не масавай — тады ўдалося сабраць аўтамабілістаў на выстройванне адной толькі лічбы «8», хоць планавалася скласці «880».
У Гродне чыноўнікі і бюджэтнікі праводзяць флэшмоб: дружна плачуць, што ў іх забралі Караніка
У Лідзе супрацоўніцы ЖКГ ідуць галасаваць датэрмінова з-за таго, што лайдачылі ўвосень?
Вы не паверыце, кім аказаўся «выпадковы» баяніст на вакзале, які спяваў пра Лукашэнку
У Магілёўскай вобласці дзяржаўныя СМІ аднамомантна выдалілі інфармацыю пра перадвыбарчую падзею
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары