«Patryjatyčny fłešmob» u Homieli apynuŭsia pad pahrozaj zryvu. Nadta darahija pasłuhi milicyi
Homielskaja hrupa prychilnikaŭ Alaksandra Łukašenki mieła namier 24 krasavika pravieści ŭ abłasnym centry «aŭtafłešmob», ale 2 krasavika jaho daviałosia skasavać «praz adsutnaść finansavańnia». Pra heta daviedaŭsia «Fłahštok» u adnym z tematyčnych čataŭ.
Akcyju płanavałasia prymierkavać da «80-hodździa Pieramohi» i pravieści na placoŭcy pierad Ladovym pałacam. Pry hetym, jak i pry ŭsich masavych mierapryjemstvach, patrabavałasia zrabić papiaredniuju apłatu milicyi za pasłuhu pa achovie hramadskaha paradku padčas akcyi.
Taryfy milicyjanieraŭ adbili ŭ inicyjataraŭ usialakuju achvotu pravodzić fłešmob. Arhanizatarka mierapryjemstva Kaciaryna 2 krasavika paviedamiła, što za akcyju z bolš čym sotniaj udzielnikaŭ MUS patrabuje ažno 150 bazavych vieličyń:
«Praviadzieńnie aŭtafłešmoba, zapłanavanaha na 24.04.2025, admianiajecca ŭ suviazi z adsutnaściu finansavańnia. I heta nie pieršakrasavicki žart. 6300 rub — za «achovu pravaparadku» na mierapryjemstvie — nierealna vyciahnuć».
Jak stała zrazumieła pa paviedamleńniach u čacie, inicyjatary majuć damoŭlenaść z uładami i ŭsio ž spadziajucca zładzić fłešmob u inšym miescy horada nieaficyjna — biez vypłaty ŭznaharodžańnia milicyi.
Siarod udzielnikaŭ hetaj hrupy — kiraŭnik abłasnoj arhanizacyi Biełaruskaha prafsajuza rabotnikaŭ budaŭnictva i prambudmateryjałaŭ, pieršy sakratar abłasnoha kamiteta KPB Dźmitryj Muraška, staršynia abłasnoj arhanizacyi «patryjotaŭ Biełarusi» Natalla Piaševič, kiraŭnik biełaruskaha hramadskaha abjadnańnia «Ruś» Arciom Sakoŭski.
Charakterna, što ŭ 2022 hodzie inicyjatary nie zmahli ŭzhadnić padobnuju akcyju da Dnia Pieramohi z-za ŭvarvańnia rasijskich vojskaŭ z terytoryi Biełarusi. Paźniej, u žniŭni 2022 hoda, inicyjatyŭnaja hrupa zmahła pravieści akcyju da Dnia horada. Ale jana atrymałasia nie masavaj — tady ŭdałosia sabrać aŭtamabilistaŭ na vystrojvańnie adnoj tolki ličby «8», choć płanavałasia skłaści «880».
U Hrodnie čynoŭniki i biudžetniki pravodziać fłešmob: družna płačuć, što ŭ ich zabrali Karanika
U Lidzie supracoŭnicy ŽKH iduć hałasavać daterminova z-za taho, što łajdačyli ŭvosień?
Vy nie pavierycie, kim akazaŭsia «vypadkovy» bajanist na vakzale, jaki śpiavaŭ pra Łukašenku
U Mahiloŭskaj vobłaści dziaržaŭnyja ŚMI adnamomantna vydalili infarmacyju pra pieradvybarčuju padzieju
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary