U Lidzie supracoŭnicy ŽKH iduć hałasavać daterminova z-za taho, što łajdačyli ŭvosień?
Jak i zaŭsiody pierad dniami hałasavańnia na lubych łukašenkaŭskich vybarach, pa ŭsich prapahandysckich kanałaŭ idzie ahitacyja za toje, kab ludzi hałasavali daterminova. Ładzicca i svojeasablivy fłešmob, padčas jakoha ludzi na videa tłumačać, čamu im niama času schadzić ukinuć biuleteń u niadzielu. Pry hetym mnohija arhumienty vyhladajuć, miakka kažučy, niepierakanaŭča.
Naprykład, Lidskaja ŽKH zapuściła rolik, u jakim šaściora žančyn zhrabajuć uzdoŭž darohi apałuju listotu, a naprykancy choram zajaŭlajuć:
«My daterminova pojdziem hałasavać, tamu, što budziem prybirać horad u dzień vybaraŭ».
Źviartaje na siabie ŭvahu niełahičnaść samoha dziejańnia: dziela čaho žančyny musiać vychodzić prybirać horad mienavita ŭ vychadny dzień, dy jašče ŭ takim režymie, što nie mohuć navat nienadoŭha advichnucca dla ŭkidańnia biuletenia? I čamu tady ŭ aficyjny pracoŭny dzień u ich čas naviedać učastak akurat jość?
Ale najbolš ździŭlaje charaktar rabot, jakija žančyny ciapier nibyta tak terminova musiać vykanać. Zhrabańnie suchoj listoty — vidavočna nie zimovaja praca, u studzieni ŭ pryncypie musiŭ by lažać śnieh. Tamu hetuju pracu žančyny pavinny byli b vykonvać uvosień, adrazu paśla taho, jak toje liście napadała, kali nie płanavałasia pakidać jaho da viasny. Tamu imknučysia pakazać vyklučnuju dbajnaść, stvaralniki rolika padkreślivajuć chutčej advarotnaje.
Mitrapalit Vienijamin taksama pryjšoŭ hałasavać daterminova
«Padychod taki — patryjatyzm». Čym padčas vybaraŭ zajmajucca nastaŭniki, miedyki i advakaty
Tempy daterminovaha hałasavańnia narastajuć: užo 17,67%
Za dva dni daterminovaha hałasavańnia praz vybarčyja ŭčastki prahnali tracinu supracoŭnikaŭ sistemy MNS
«Stvarajucca kamfortnyja ŭmovy». Ministr adukacyi vykazaŭsia pra daterminovaje hałasavańnie studentaŭ
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
Ili taki kommunalŝiki?)