«Stvarajucca kamfortnyja ŭmovy». Ministr adukacyi vykazaŭsia pra daterminovaje hałasavańnie studentaŭ
Jon taksama adznačyŭ, što studenty «aktyŭna ŭdzielničajuć u daterminovym hałasavańni».
Ministr adukacyi Andrej Ivaniec prakamientavaŭ udzieł studentaŭ u daterminovym hałasavańni na prezidenckich vybarach, paviedamlaje telehram-kanał viedamstva.
Hałasujučy daterminova, kiraŭnik Ministerstva adukacyi adznačyŭ, što heta jaho asabistaja tradycyja: «Potym u vychadnyja možna spakojna pravieści čas ź siamjoj, pryśviacić jaho pracy i asabistym spravam».
Jon taksama adznačyŭ, što studenty aktyŭna ŭdzielničajuć u daterminovym hałasavańni. Na dadzieny momant u mnohich studentaŭ prachodzić siesija, i nie ŭsie mohuć pajechać dadomu, kab prahałasavać. Tamu dla studentaŭ stvaryli nieabchodnyja ŭmovy, kab tyja, chto pražyvaje ŭ internatach, mahli spakojna prahałasavać u zručny čas, jak daterminova, tak i ŭ dzień vybaraŭ.
«Sučasnaja moładź aktyŭna ŭklučana ŭ hramadskaje žyćcio», — padsumavaŭ ministr.
Kamientary
U 2022 ŭsich studentaŭ, chto žyvie ŭ internacie, pad pahrozaj pazbaŭleńnia mahčymaści pražyvańnia ŭ im, "nastojliva paprasili" prahałasavać daterminova.
Da tych, chto nie prahałasavaŭ, dekany fakultetaŭ prychodzili asabista ŭ pakoi ŭ svoj pracoŭny (!) čas i pytali, čamu nie hałasujecie, zmušajučy iści "padymać jaŭku", bo pavinna być blizka 100%.
Viadoma pra vypadki, što ludziam internat tak i nie dali na nastupny navučalny hod, i navat bolš, što niekatorych adličyli ŭvohule.