Гандлёвы цэнтр Avia Mall ужо некалькі гадоў будуюць у новым мінскім жылым комплексе «Мінск-Свет». Яго абяцалі адкрыць і ў 2022 годзе, і ў 2023-м, і ў 2024-м, але абяцанні не спраўджваліся. Цяпер нарэшце названая канкрэтная дата, калі ў ім запрацуе першы аб'ект, заўважыў «Анлайнер».
Праз месяц у гэтым цэнтры пачне працаваць гіпермаркет Green. Шыльду гандлёвай сеткі на фасадзе Avia Mall пачалі мантаваць у пачатку сакавіка, а на будаўнічым плоце неўзабаве з'явілася аб'ява аб пошуку супрацоўнікаў. Учора ж у афіцыйным інстаграме сеткі Green паведамілі і дакладную дату адкрыцця — 30 красавіка.
Гіпермаркет стане першым дзейным аб'ектам у буйным гандлёвым цэнтры. Верагодна, гэта падзея стане пунктам адліку, неўзабаве там пачнуць з'яўляцца і іншыя арандатары.
Ужо вядома, што ў новым ГЗЦ выдзеленая прастора для фізкультурна-аздараўленчай зоны. Перамяшчацца па паверхах пакупнікі змогуць як на эскалатарах (14 штук) з травалатарамі (4 дарожкі), так і на ліфтах. З шасці кабін, адведзеных для наведвальнікаў, дзве будуць з панарамным выглядам.
Пры гэтым ГЗЦ Avia Mall будзе напрамую звязаны з метро.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары