Уладзімір Пуцін «трымае ў сакрэце свой генетычны код, нават прымушае ахову збіраць свае экскрэменты, але ўсё гэта было дарэмна», піша BILD.
Хакеры ўзламалі кампутар Міхаіла Пуціна — стрыечнага пляменніка расійскага прэзідэнта. На кампутары аказаўся аналіз ДНК, зроблены кампаніяй Genotek у 2023 годзе. Улічваючы ступень сваяцтва, генетычнае падабенства пляменніка з дзядзькам складае 6,5% (бабуля і дзядуля Уладзіміра Пуціна — прабабуля і прадзед Міхаіла Пуціна).
Такім чынам, хакеры здабылі частку генетычнага кода крамлёўскага шэфа.
Аналіз ДНК паказаў, што Міхаіл Пуцін належыць да рэдкай у Расеі гаплагрупы E-V13 па бацькоўскай лініі (гэта значыць, што да яе належыць і Уладзімір Пуцін). Гэтая генетычная лінія бярэ свой пачатак у сучасным Косаве, дзе 30% людзей маюць гэтую гаплагрупу; у Расіі — менш за 5%.
У 2010 годзе брытанская Daily Mail паведаміла, што Адольф Гітлер таксама быў носьбітам рэдкай гаплагрупы E-V13 (таксама вядомай як E1b1b). «Можа быць, менавіта таму Пуцін так хавае сваё паходжанне?» — жартуе аглядальнік выдання Юльян Ропке.
Акрамя таго, Genotek праверыла геном Міхаіла Пуціна на наяўнасць рызык і захворванняў і сякія-такія выявіла.
У іх ліку — павышаная рызыка раку прастаты.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары