Chakiery zdabyli DNK Pucina — u jaho jość sioje-toje supolnaje z Hitleram
Uładzimir Pucin «trymaje ŭ sakrecie svoj hienietyčny kod, navat prymušaje achovu źbirać svaje ekskremienty, ale ŭsio heta było daremna», piša BILD.
Chakiery ŭzłamali kamputar Michaiła Pucina — stryječnaha plamieńnika rasijskaha prezidenta. Na kamputary akazaŭsia analiz DNK, zrobleny kampanijaj Genotek u 2023 hodzie. Uličvajučy stupień svajactva, hienietyčnaje padabienstva plamieńnika ź dziadźkam składaje 6,5% (babula i dziadula Uładzimira Pucina — prababula i pradzied Michaiła Pucina).
Takim čynam, chakiery zdabyli častku hienietyčnaha koda kramloŭskaha šefa.
Analiz DNK pakazaŭ, što Michaił Pucin naležyć da redkaj u Rasiei hapłahrupy E-V13 pa baćkoŭskaj linii (heta značyć, što da jaje naležyć i Uładzimir Pucin). Hetaja hienietyčnaja linija biare svoj pačatak u sučasnym Kosavie, dzie 30% ludziej majuć hetuju hapłahrupu; u Rasii — mienš za 5%.
U 2010 hodzie brytanskaja Daily Mail paviedamiła, što Adolf Hitler taksama byŭ nośbitam redkaj hapłahrupy E-V13 (taksama viadomaj jak E1b1b). «Moža być, mienavita tamu Pucin tak chavaje svajo pachodžańnie?» — žartuje ahladalnik vydańnia Juljan Ropkie.
Akramia taho, Genotek pravieryła hienom Michaiła Pucina na najaŭnaść ryzyk i zachvorvańniaŭ i siakija-takija vyjaviła.
U ich liku — pavyšanaja ryzyka raku prastaty.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary