Як рэканструююць гістарычную забудову XIX стагоддзя ў Лошыцкім парку
У Лошыцкім парку рэканструююць гістарычную забудову XIX стагоддзя. На дадзеным этапе спецыялісты займаюцца стварэннем прыбудоў да трох гістарычных будынкаў, што захаваліся, паведамляе «Мінскбуд».
Прыбудова да будынку на вул. Чыжэўскіх, 17, выконваецца на старых узмоцненых падмурках. На вонкавай частцы мура выкарыстоўваецца цэгла XIX стагоддзя, а астатнія тры шэрагі зроблены з новай керамічнай цэглы. У хуткім часе да работ далучацца рэстаўратары. Аб'ект расцягнецца ўздоўж вул. Чыжэўскіх на 68,5 м.
Побач з будынкам на зав. Чыжэўскіх, 5, узводзяць адразу дзве прыбудовы: злева — аднапавярховая, справа — двухпавярховая. Сам будынак захавае чатыры ярусы. Абедзве прыбудовы — у цэгле, запраектаваны прыгожыя арачныя праёмы, карнізы і пілястры. Аб'ект расцягнецца на 70 м у даўжыню і будзе мець шырыню ад 13 да 18,5 м.
Таксама двухпавярховая прыбудова з'явіцца і побач з існуючай пабудовай на зав. Чыжэўскіх, 6. Будаўнікі ўжо залілі падмурак і заняліся ўзвядзеннем сцен.
Дзякуючы складанай і карпатлівай рабоце будаўнікоў цудам уцалелыя будынкі XIX стагоддзя будуць захаваны, а ўвесь комплекс стане жамчужынай Лошыцкага парка, абяцаюць у «Мінскбуд».
Цяпер чытаюць
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак12
Жонка адгаворвала падпалкоўніка ДФР браць хабары, а той казаў: «Атрымаю палкоўніка — і на пенсію». Першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары