Трамп папярэдзіў ХАМАС пра «сапраўднае пекла», калі не будуць вызваленыя ўсе закладнікі да суботы
Напярэдадні ХАМАС абвінаваціў Ізраіль у парушэнні пагаднення і адклаў далейшае вызваленне закладнікаў.
Прэзідэнт ЗША Дональд Трамп заявіў, што пагадненне аб спыненні агню паміж Ізраілем і ХАМАС павінна быць адменена, калі ўсе закладнікі, якія ўтрымліваюцца ў сектары Газа, не будуць вызваленыя «да паўдня суботы», піша Associated Press.
Трамп адзначыў, што ХАМАС павінен неадкладна вызваліць усіх закладнікаў.
«Калі іх не будзе тут, пачнецца сапраўднае пекла», — заявіў ён.
У той жа час ён прызнаў, што канчатковае рашэнне па дамове застаецца за Ізраілем.
«Я гавару за сябе. Ізраіль можа яго адмяніць», — сказаў прэзідэнт ЗША.
9 студзеня Ізраіль заявіў пра ўступленне ў сілу рэжыму спынення агню ў Газе.
10 лютага ХАМАС паведаміў пра адмену запланаванага на 15 лютага вызвалення закладнікаў. ХАМАС абвінаваціў Ізраіль у парушэнні пагаднення аб спыненні агню, у тым ліку ў нанясенні авіяўдараў па палесцінцам у сектары Газа.
Цяпер чытаюць
Намеснікам кіраўніка Адміністрацыі прэзідэнта стаў цвердалобы генерал, а Генштаб узначаліў зямляк Якуба Коласа8
Намеснікам кіраўніка Адміністрацыі прэзідэнта стаў цвердалобы генерал, а Генштаб узначаліў зямляк Якуба Коласа
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1111
Каментары
Гл. Скарнік іншыя крыніцы
заложнік
тлумачэнне слова:
заложнік, -а, мужчынскі род
Асоба, гвалтоўна затрыманая кім-н. з мэтай прымусіць выканаць якія-н. абавязацельствы або патрабаванні той дзяржавай, арганізацыяй, да якой належыць гэта асоба. — Майго сына .. заарыштавалі як заложніка, каб я сам да іх прыйшоў. Колас.