Скончылася датэрміновае галасаванне. Працэнт вывелі рэкордны, але ёсць нюанс
Сёння скончылася пяцідзённае датэрміновае галасаванне на прэзідэнцкіх выбарах перад асноўным днём, прызначаным на 26 студзеня. Лічба, на якой было вырашана спыніцца ва ўсебеларускім маштабе — 41,81%.
Лічба, на якой было вырашана спыніцца, крыху большая, чым на «адзіным дні галасавання» 25 лютага мінулага года, дзе было 41,71%, і таму рэкордная.
Аднак бачна, што 42% з'яўляюцца дла лукашыстаў пэўнай псіхалагічнай мяжой, за якую яны чамусьці пераступаць не хочуць. Бо на папярэдніх прэзідэнцкіх выбарах 2020 года вынік датэрміновага галасавання быў таксама падобны — 41,70%.
Дзеля таго, каб не выйсці за вызначаную мяжу, давялося ў апошні дзень датэрміновага галасавання нават даволі значна запаволіць узяты тэмп, зрабіўшы суботу найменш «плённай». Суботні прырост галасоў не дасягнуў і шасці працэнтаў, між тым як раней яна была куды большай: па выніках чацвёртага дня яўка была 35,99%, трэцяга — 27,15%, другога — 17,67%, першага — 7,81%.
Сярод рэгіёнаў лічбы распісалі прыблізна пароўну, у дыяпазоне ад 42,95 да 40,70%. Рэкордныя 42,95% вывелі для роднай Лукашэнку Магілёўскай вобласці, далей ідуць Мінская (42,68%), Брэсцкая (41,99%), Гомельская (41,72%), Віцебская (41,51%) вобласці, горад Мінск (41,14%), а замыкае спіс Гродзенская вобласць з «усяго» 40,70%.
«Прама не прымушаюць, але намякаюць». Як беларусаў матывуюць на датэрміновае галасаванне
Карпенка заявіў, што ў ЦВК не паступіла ніводнай скаргі. Але гэта няпраўда
У Лідзе супрацоўніцы ЖКГ ідуць галасаваць датэрмінова з-за таго, што лайдачылі ўвосень?
Мітрапаліт Веніямін таксама прыйшоў галасаваць датэрмінова
«Падыход такі — патрыятызм». Чым падчас выбараў займаюцца настаўнікі, медыкі і адвакаты
Каментары