Карпенка заявіў, што ў ЦВК не паступіла ніводнай скаргі. Але гэта няпраўда
Ганна Канапацкая расказвала, што скардзілася на Беларусбанк.
Старшыня Цэнтрвыбаркама Ігар Карпенка заявіў, што падчас выбарчай кампаніі ім не паступіла ніводнай скаргі — ні ад грамадзян, ні ад кандыдатаў у прэзідэнты. Але гэта не так.
Па словах Карпенкі, агулам 1500 зваротаў, але яны, «як правіла, былі звязаныя з удакладненнямі». Людзі пыталіся, ці слушна паступіла ўчастковая камісія, а таксама што рабіць, калі прапісаны ў адным месцы, а галасаваць хачу ў іншым.
Але Ганна Канапацкая расказвала, што падавала ў ЦВК скаргу на Беларусбанк. У інтэрв’ю праекту Moladz_by яна распавяла, што зрабіла гэта, бо Беларусбанк не выконваў заканадаўства ў частцы вядзення і афармлення спецыяльных выбарчых рахункаў.
Чарговыя выбары адбудуцца ўжо ў гэтую нядзелю — 26 студзеня. Пры гэтым, згодна з данымі ЦВК, яўка ў першыя тры дні датэрміновага галасавання па ўсёй краіне ўжо нібыта склала 27,15%.
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі22
Каментары