Karpienka zajaviŭ, što ŭ CVK nie pastupiła nivodnaj skarhi. Ale heta niapraŭda
Hanna Kanapackaja raskazvała, što skardziłasia na Biełarusbank.
Staršynia Centrvybarkama Ihar Karpienka zajaviŭ, što padčas vybarčaj kampanii im nie pastupiła nivodnaj skarhi — ni ad hramadzian, ni ad kandydataŭ u prezidenty. Ale heta nie tak.
Pa słovach Karpienki, ahułam 1500 zvarotaŭ, ale jany, «jak praviła, byli źviazanyja z udakładnieńniami». Ludzi pytalisia, ci słušna pastupiła ŭčastkovaja kamisija, a taksama što rabić, kali prapisany ŭ adnym miescy, a hałasavać chaču ŭ inšym.
Ale Hanna Kanapackaja raskazvała, što padavała ŭ CVK skarhu na Biełarusbank. U intervju prajektu Moladz_by jana raspaviała, što zrabiła heta, bo Biełarusbank nie vykonvaŭ zakanadaŭstva ŭ častcy viadzieńnia i afarmleńnia śpiecyjalnych vybarčych rachunkaŭ.
Čarhovyja vybary adbuducca ŭžo ŭ hetuju niadzielu — 26 studzienia. Pry hetym, zhodna z danymi CVK, jaŭka ŭ pieršyja try dni daterminovaha hałasavańnia pa ŭsioj krainie ŭžo nibyta skłała 27,15%.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary