Skončyłasia daterminovaje hałasavańnie. Pracent vyvieli rekordny, ale jość niuans
Siońnia skončyłasia piacidzionnaje daterminovaje hałasavańnie na prezidenckich vybarach pierad asnoŭnym dniom, pryznačanym na 26 studzienia. Ličba, na jakoj było vyrašana spynicca va ŭsiebiełaruskim maštabie — 41,81%.
Ličba, na jakoj było vyrašana spynicca, krychu bolšaja, čym na «adzinym dni hałasavańnia» 25 lutaha minułaha hoda, dzie było 41,71%, i tamu rekordnaja.
Adnak bačna, što 42% źjaŭlajucca dła łukašystaŭ peŭnaj psichałahičnaj miažoj, za jakuju jany čamuści pierastupać nie chočuć. Bo na papiarednich prezidenckich vybarach 2020 hoda vynik daterminovaha hałasavańnia byŭ taksama padobny — 41,70%.
Dziela taho, kab nie vyjści za vyznačanuju miažu, daviałosia ŭ apošni dzień daterminovaha hałasavańnia navat davoli značna zapavolić uziaty temp, zrabiŭšy subotu najmienš «plonnaj». Subotni pryrost hałasoŭ nie dasiahnuŭ i šaści pracentaŭ, miž tym jak raniej jana była kudy bolšaj: pa vynikach čaćviortaha dnia jaŭka była 35,99%, treciaha — 27,15%, druhoha — 17,67%, pieršaha — 7,81%.
Siarod rehijonaŭ ličby raśpisali pryblizna paroŭnu, u dyjapazonie ad 42,95 da 40,70%. Rekordnyja 42,95% vyvieli dla rodnaj Łukašenku Mahiloŭskaj vobłaści, dalej iduć Minskaja (42,68%), Bresckaja (41,99%), Homielskaja (41,72%), Viciebskaja (41,51%) vobłaści, horad Minsk (41,14%), a zamykaje śpis Hrodzienskaja vobłaść z «usiaho» 40,70%.
«Prama nie prymušajuć, ale namiakajuć». Jak biełarusaŭ matyvujuć na daterminovaje hałasavańnie
Karpienka zajaviŭ, što ŭ CVK nie pastupiła nivodnaj skarhi. Ale heta niapraŭda
U Lidzie supracoŭnicy ŽKH iduć hałasavać daterminova z-za taho, što łajdačyli ŭvosień?
Mitrapalit Vienijamin taksama pryjšoŭ hałasavać daterminova
«Padychod taki — patryjatyzm». Čym padčas vybaraŭ zajmajucca nastaŭniki, miedyki i advakaty
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary