Таварныя знакі некалі буйной сеткі тавараў для дзяцей выставілі на аўкцыён. Інфармацыя аб гэтым з'явілася на пляцоўцы ІПМ-таргі.
На таргах прададуць 30 таварных знакаў кампаніі «ДПМ», у тым ліку некалькі таварных знакаў з найменнем сеткі, а таксама выява бусла.
Пачатковая цана лота — 74 280 рублёў. Мінімальная цана — 70 566 рублёў.
У 2024 годзе ўсе крамы калісьці найбуйнейшай сеткі дзіцячых тавараў закрыліся.
Сетка «Буслік» была заснаваная беларускім бізнэсменам Сяргеем Місячэнкам, паступова яна стала найбуйнейшай у Беларусі ў сегменце дзіцячых тавараў. Але ў 2023 годзе ў сетцы пачаліся праблемы, яе выручка падала цягам усяго года.
У кастрычніку польскі інвестар сеткі, кампанія CDRL, паведаміў пра «страту кантролю» над даччынай кампаніяй у Беларусі і пагрозу яе банкруцтва. У CDRL таксама заявілі пра спісанне пратэрмінаванай дэбіторскай запазычанасці сеткі ў памеры 1,7 млн злотых (больш за 400 тыс. даляраў) і прыпыненні далейшых паставак тавараў у Беларусь.
Месца «Бусліка» на беларускім рынку заняла сетка «Дзетмір» — «дачка» расійскага «Детского мира».
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах3
Каментары