Лісы ныраюць у снег з галавой, каб злавіць здабычу. Чаму яны не траўмуюцца?
У снежныя зімы мышы і іншыя грызуны хаваюцца ў тунэлях пад паверхняй снегу. Але ліса, каб злавіць іх, схіляе галаву з боку ў бок, прыслухоўваючыся да крокаў сваёй ахвяры, і здзяйсняе дзёрзкую атаку з паветра.
У гэтым труку ліса высока падскоквае і нырае тварам у снег. Як яна не траўмуецца пры гэтым?
Як тлумачаць навукоўцы, доўгія морды гэтых лісіц (від называецца «ліс звычайны», ці Vulpes vulpes) больш вузкія, чым у іншых відаў, і таму праходзяць скрозь снег, як нож скрозь масла.
Як піша The Washington Post, каб праверыць гэта, навукоўцы прасканавалі чарапы больш чым дзясятка відаў лісіц і вялікіх котак, раздрукавалі 3Д-мадэлі мордаў і кінулі іх у снег у лабараторыі, а датчыкі на кожнай мадэлі замерылі сілу ўдару.
Выявілася, што падчас нырання лісіца вострым носам рассоўвае снег, як вадкасць, а не ўшчыльняе яго, што памяншае сілу ўдару і зводзіць да мінімуму верагоднасць атрымання траўмы.
Напрыклад, для рысяў, у якіх насы шырэйшыя, такі трук быў бы больш траўматычным.
Так доўгая морда лісаў дапамагае ім глыбей закопвацца ў снег і раней і хутчэй дабірацца да здабычы.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары