Пасля 2020-га ад Ярмошынай адмовіўся нават садоўнік, які стрыг яе кусты ў Драздах
У сваім катэджы ў Драздах старшыня ЦВК засталася зусім адна.
Згадваючы ў эфіры СТБ падзеі 2020-га года, былая кіраўніца Цэнтрвыбаркама Лідзія Ярмошына прызналася, што ў яе атачэнні быў толькі адзін чалавек, які яе пакінуў:
«Ад мяне адмовіўся садоўнік, які прыходзіў і касіў мой участак, саджаў расліны і падстрыгаў кусты. А так усе мае знаёмыя, мае сябры [засталіся].
Насамрэч Ярмошына выдае жаданае за рэальнае.
У сваім катэджы ў Драздах старшыня ЦВК засталася зусім адна.
Сябры? У ранейшых інтэрв'ю яна прызнавалася, што яе сяброўкі жывуць у Калінінградзе — дзе Ярмошына вучылася ва ўніверсітэце і працавала.
Ярмошына расказвала, што сябравала з сакратаром ЦВК Мікалаем Лазавіком, хадзіла ў тэатр разам з ім і яго жонкай. Калі ў 2016-м Лазавік памёр, хадзіць ужо няма з кім.
У 2017-м памёр яе адзіны сын Аляксей, самы блізкі ёй чалавек і спадарожнік у вандроўках.
У тым жа 2017-м загінуў у аўтакатастрофе яе пляменнік Вадзім Капусцін.
Маці Лідзіі Ярмошынай памерла ў сярэдзіне 2010-х, пражыўшы больш за 95 гадоў.
Перад тым памёр другі муж Ярмошынай. Першы муж застаўся ў Калінінградзе, па стане на сярэдзіну 2010-х ён быў паралізаваны. Цяперашні яго лёс невядомы.
З радні ў былой кіраўніцы ЦВК засталася сястра, але адносіны ў іх халодныя.
«Як і ва ўсіх — чакаць сыходу з жыцця. Падарожнічаць з кожным годам становіцца ўсё цяжэй. І ўсе мае падарожжы, хутчэй за ўсё, будуць у два месцы: Бабруйск і Калінінград», — так у 2020 годзе адказала Лідзія Ярмошына на пытанне пра тое, што яна будзе рабіць пасля адстаўкі з пасады.
Цяпер чытаюць
«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА7
Каментары
Ніводзін з іх не адмовіўся ад усяго гэтага. Значыць, будуць адказваць за свой выбар.
А чаму з жонкай Лазавіка не стала ў тэатр хадзіць?