Меркаванні77

«Гэта найлепшая версія Трампа». Амерыканская журналістка апісала, як замах на Трампа глыбока змяніў яго і надаў спакою

Звычайна новаабраныя прэзідэнты ЗША да моманту інаўгурацыі не асабліва праяўлялі сябе. Яны ціха займаліся падборам каманды. Так было, напрыклад, у 2016 годзе, калі Дональд Трамп упершыню выйграў выбары, прыгадвае Пэгі Нунан на старонках The Wall Street Journal. Але цяпер нібыта ўсё інакш.

Дональд Трамп падчас аднаго з перадвыбарчых мерапрыемстваў, прыблізна месяц пасля замаху. Фота: Bill Pugliano / Getty Images

Спадарыня Нунан, якая ў свой час працавала ў Белым доме як асістэнтка і спічрайтарка Рональда Рэйгана, добра знаёмая з пісанымі і няпісанымі правіламі, якія дзесяцігоддзямі культываваліся ў найвышэйшых эшалонах амерыканскай улады.

Дык вось — кажа яна — гэтым разам усё інакш. 

Гэта Трамп ляціць у Парыж на цырымонію адкрыцця Сабора Парыжскай Божай Маці, дзе яго прымаюць як дзейнага кіраўніка дзяржавы.

Гэта ён праводзіць афіцыйныя сустрэчы з Уладзімірам Зяленскім ці Эмануэлем Макронам.

Гэта з ім спяшаецца сустрэцца прэм’ер-міністр Канады Джасцін Трудо, каб абмеркаваць пытанне магчымых тарыфаў на канадскія тавары.
Калі ў Сірыі падае дыктатура, то не Байдэн, а Трамп імгненна рэагуе: «Гэта не наша бітва. Не ўмешваемся».

Байдэн адрэагаваў з затрымкай і асцярожненька («гэта момант рызыкі і няпэўнасці»), гэта прагучыла блякла і няўцямна. «А ці быў калі такі момант у гісторыі гэтага рэгіёна, які б быў пазбаўлены рызыкі і няпэўнасці?» — рытарычна пытае Нунан.

Нават намінацыі на пасады, якія раней не выклікалі асаблівай цікавасці, цяпер становяцца тэмамі для шырокага абмеркавання. Такія асобы, як Ілан Маск, з’яўляюцца на Капіталійскім узгорку, «дзе іх сустракаюць як герояў саюзніцкіх дзяржаў».

«Дональд Трамп не засланіў Джо Байдэна; ён зацьміў яго», — канстатуе Нунан.

Трамп змяніўся: стаў спакойны і ўпэўнены 

Тыя, хто добра ведае Трампа, адзначаюць, што Трамп моцна памяняўся. Замах на ягонае жыццё нібыта надаў яму спакою і ўнутранай ураўнаважанасці.

Пасля другога няўдалага замаху, гэтым разам на яго гольф-клубе, ён усвядоміў, што ён уратаваны. «Гэтая рэальнасць не зрабіла яго сціплым у звыклым сэнсе, але надала спакойную ўпэўненасць», — піша Нунан, спасылаючыся на размовы з людзьмі з найбліжэйшага атачэння Трампа.

Апрача таго, Трамп успрымае сваё вяртанне да ўлады не проста як перамогу на выбарах, а як адплату. Судовыя справы, абвінавачанні, імпічменты — нібыта гісторыя не пакідала яму шансаў. Аднак ён не толькі выжыў, але і вярнуўся.

«Цяпер ён дакладна ведае, чаго хоча: здаровая міграцыйная палітыка, актывізацыя энергетыкі, скарачэнне падаткаў», — цытуе журналістка аднаго са сваіх суразмоўцаў.

Тыя, хто сустракаецца з ім, кажуць, што «свет, магчыма, пабачыць найлепшую версію Дональда Трампа». 

Ён перажыў палітычныя буры, кулі і юрыдычныя бітвы і выйшаў не зломлены, а загартаваны. У ім праявілася новая ўпэўненасць, якая часта нараджаецца пасля сустрэчы са смерцю.

Каментары7

  • )))
    14.12.2024
    Ну прямо образ вылеплен прям в лучших традициях соц реализма
  • бабруйчанін
    15.12.2024
    Панегерік..Шмат нагадала з мінулага
    Абранасць Упэўненасць у абранасці Перекананасць у абранні .
    Ассацыацыі ні квірпаліткарэктны ад закрай з права і лева .
    Ні паліткарэктны з аднаго боку з іньшага уголовна наказуемы )))Прозвішча імя дадайце самі .. ..)))
  • Цьху
    15.12.2024
    Ужо і амерыканцы пачалі пераймаць саўдэпаўскія наратывы

Цяпер чытаюць

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце31

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

Усе навіны →
Усе навіны

У Еўропе ў адзін дзень загарэліся два НПЗ, якія атрымліваюць расійскую нафту2

У Ляхавічах пахваліліся копіяй гістарычнага замка, якая мусіць прыцягнуць турыстаў — чатыры будкі больш нагадваюць прыбіральні12

«Скажы, што ты адмовілася ад мяне». Палітэмігранты расказалі, як іх сем'і жывуць у Беларусі пад ціскам сілавікоў3

У Смаргонскім раёне «Аўдзі» ўшчэнт разбурыла гістарычны помнік7

На фронце забілі сына аднаго з самых няўдалых камандзіраў расійскай арміі2

Саліста гурта «Без Білета» дадалі ва ўкраінскую базу «Міратворац»14

У Мінтрансе расказалі, калі на дарогах Беларусі перастануць рабіць ямачны рамонт3

Былы міністр сельскай гаспадаркі збіраецца вырошчваць пшаніцу ў Лівіі

Беларусы змогуць набываць кнігі ўсляпую — на іх нават будзе зніжка1

больш чытаных навін
больш лайканых навін

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце31

«У нас ёсць план, як стаць наступнай Фінляндыяй Усходняй Еўропы». Сяргей Ціханоўскі выступіў у Еўрапарламенце

Галоўнае
Усе навіны →

Заўвага:

 

 

 

 

Закрыць Паведаміць