Свет33

Трамп: Адзіны спосаб спыніць вайну — не пакідаць Украіну

Новаабраны прэзідэнт ЗША Дональд Трамп запэўніў, што ў сваіх спробах урэгуляваць расійска-ўкраінскую вайну ён не адмовіцца ад Украіны. Як піша «Еўрапейская праўда», пра гэта паведамляе Time у публікацыі, прысвечанай прызнанню Трампа Чалавекам года.

Дональд Трамп. Фота: AP Photo/Alex Brandon

Дональд Трамп даў 65-хвіліннае інтэрв'ю, вытрымкі якога прыводзіць Time 12 снежня, у канцы лістапада. Адказваючы на пытанне аб тым, ці адмовіцца ён ад Украіны, Трамп сказаў, што выкарыстоўвае падтрымку Украіны з боку ЗША як рычаг ціску на Расію ў перамовах аб спыненні вайны.

«Я хачу дасягнуць пагаднення, — сказаў ён, — і адзіны спосаб дасягнуць пагаднення — гэта не пакідаць Украіну», — запэўніў абраны прэзідэнт ЗША.

Выданне нагадвае, што падчас перадвыбарчай кампаніі Трамп даваў абяцанні, што яму, маўляў, удасца заключыць мірнае пагадненне паміж Расіяй і Украінай за 24 гадзіны. Цяпер ён прызнаў, што гэта справа куды складанейшая.

«Блізкі Усход — праблема, з якой лягчэй справіцца, чым тое, што адбываецца з Расіяй і Украінай. Колькасць загінулых маладых салдат, якія ляжаць на палях паўсюль, ашаламляе. Тое, што адбываецца — вар'яцтва», — заявіў Трамп.

Раней прэзідэнт Украіны Уладзімір Зяленскі сказаў, што не ўспрымае даслоўна перадвыбарчае абяцанне Дональда Трампа скончыць вайну ва Украіне «за 24 гадзіны».

Каментары3

  • Ft
    12.12.2024
    Адзіны спосаб спыніць вайну ва Украіне — з дапамогай зброі вышвырнуць агрэсара з тэрыторыі Украіны і на 100-300 км ад межаў Ўкраіны.
  • Уго
    12.12.2024
    38 меридиан
    Магия чисел однако.
  • Так
    12.12.2024
    Дык Трамп ужо не прарасійскі як пісалася тут і ў іншых ідэалагічна левых СМІ?

Цяпер чытаюць

«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі9

«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі

Усе навіны →
Усе навіны

«Прадалі 1647 купюр за 3 дні». Ажыятаж вакол памятнай банкноты Нацбанка не сціхае3

Стала вядома яшчэ пра аднаго беларуса, які ваяваў на баку Расіі і трапіў у палон1

У паўднёвай Еўропе прайшлі мітынгі супраць турыстаў

Суседзі зрабілі кухню ў лоджыі, і цяпер у суседзяў чуваць звон посуду

«Абзвоньваем дзяцей, унукаў». Чыноўнікі з рулеткамі пайшлі правяраць вышыню травы на ўчастках беларусаў20

Маладзечанцы цягам трох дзён назіралі за маладой качкай, якая звалілася ў калодзеж фантана ў парку1

У Беларусі заўважылі фламінга?

Стала вядома, хто з’яўляецца хэдлайнерам Сходу неабыякавых — мерапрыемства апанентаў Ціханоўскай22

Намесніка начальніка белчыгункі Дулуба будуць судзіць па двух артыкулах. Яго затрымалі за хабар, а дома знайшлі яшчэ $3 млн

больш чытаных навін
больш лайканых навін

«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі9

«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі

Галоўнае
Усе навіны →

Заўвага:

 

 

 

 

Закрыць Паведаміць