Прапаганда казала, што Польшча зайздросціць Беларусі, бо ў яе няма касманаўта. Хутка будзе, і гэта сапраўдны навуковец
Вясной 2025 года ў місію на МКС адправіцца доктар навук Славаш Узнаньскі.
Місія Славаша Узнаньскага на Міжнародную касмічную станцыю атрымае назву IGNIS, што ў перакладзе з лацінскай мовы азначае «агонь». Першы касманаўт у гісторыі посткамуністычнай Польшчы адправіцца на МКС не раней за красавік 2025 года.
Узнаньскі паляціць на арбіту ў складзе місіі Axiom Mission 4 прыватнай кампаніі Axiom Space. Палёт спансуе Еўрапейскае касмічнае агенцтва. Карабель Crew Dragon кампаніі SpaceX даставіць на МКС таксама амерыканку Пэгі Уітсан, індыйца Шубханшу Шуклу і венгра Тыбора Капу. Для ўсіх, акрамя Уітсан, гэта будзе першы касмічны палёт. Місія працягнецца 14 дзён.
Нядаўна праўладны палітолаг з Акадэміі кіравання Аляксандр Маркевіч заяўляў, што Польшча разглядае Беларусь як ворага праз зайздрасць. Адной з прычын такой зайздрасці ён назваў палёт у космас Марыны Васілеўскай.
«А якія дасягненні? Беларусь пабудавала атамную станцыю, а Польшча толькі збіраецца. Польскія касманаўты ёсць? Ёсць Міраслаў Гермашэўскі. Але гэта яшчэ сацыялістычная Польшча. Мы ў космас паляцелі. ІТ-тэхналогіі развіваюцца. Чым ім глабальна ганарыцца?», — казаў Маркевіч.
Што ж, хутка гэтая прычына для «зайздрасці» знікне. Дарэчы, Узнаньскі, у адрозненне ад былой стюардэсы «Белавія», палёт у космас якой меў усе прыкметы турыстычнага, з’яўляецца прафесійным навукоўцам. Ён абараніў доктарскую ў французскім Універсітэце Міжземнамор’я па тэме радыяцыйна-ўстойлівых канструкцый для прымянення ў космасе. Да 2023 года Узнаньскі працаваў у Еўрапейскім цэнтры ядзерных даследаванняў, а пасля быў абраны з 22 тысяч прэтэндэнтаў у якасці польскага астранаўта.
У космасе Узнаньскі правядзе 13 эксперыментаў у галіне тэхналогій, біялогіі, медыцыны і псіхалогіі, падрыхтаваных польскімі навукоўцамі і інжынерамі.
Васілеўская расказала, як дзякуючы ёй моладзь адрываецца ад тэлефонаў і пачынае вучыцца
Першая беларуская касмічная турыстка Марына Васілеўская прадае свой айфон
Судзімасць бацькі, дзівосы з адукацыяй, прагалы ў біяграфіі — таямніцы жыцця першай беларускай касманаўткі
Гераіня Беларусі ці звычайная касмічная турыстка? Нюансы палёту ў космас Марыны Васілеўскай
Улады ўсё ж вырашылі даць Марыне Васілеўскай дыплом дзяржаўнага ўніверсітэта
Ботаў адправілі адбельваць Васілеўскую, стала вядомая метадычка
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было1
Каментары