Каханне і сэкс2222

Мінчанка пакінула станоўчы водгук на сумку — і раптам выкрыла здраду чужога мужа

Дзяўчына замовіла ў вядомай мінскай майстрыхі сумку ручной працы. Вынік ёй вельмі спадабаўся, удзячная пакупніца вырашыла даслаць водгук з фота — і нечакана разбурыла чужую сям’ю.

Скрыншот відэа ў тыктоку

Эпіграфам да гэтай гісторый магла б стаць фраза: «Усё таемнае становіцца відавочным».

Пра нечаканы працяг сваёй замовы ў тыктоку распавяла беларуска.

— Я замовіла сабе ў адной даволі вядомай майстрыхі з Мінску сумку ручной працы. Усё цудоўна, сумку яна мне зрабіла, праца была выканана якасна і ў час.

Дзяўчына распавяла, што калі нечым задаволеная, то заўсёды імкнецца пакінуць пазітыўны водгук.

— Вось такі я чалавек, як кажуць: дурны, але не гнілы. Гэты выпадак не стаў выключэннем. Я напісала разгорнуты, прыгожы водгук, дадала фота — і самой сумкі, і сябе з такім шыкоўным вырабам. Даслала водгук майстрыцы.

Цалкам лагічна, што майстрыха вырашыла апублікаваць на сваёй старонцы водгук і адзначыла на фота акаўнт шчаслівай пакупніцы. Здаецца, на гэтым гісторыя магла б і скончыцца. Але атрымалася, што гэта быў толькі пачатак.

У нейкі момант пакупніцы пачаў пісаць раззлаваны мужчына.

— Ён дасылаў мне вялікія тэксты з прэтэнзіямі, абяцаў падаць на мяне ў суд, таму што я ўмяшалася ў яго асабістае жыццё, парушыла яго асабістую прастору і гэтак далей. Усё гэта было перасыпана нейкімі юрыдычнымі тэрмінамі.

Дзяўчына не магла зразумець, што адбываецца і чаму незнаёмец ашалеў з яе водгуку на сумачку. А для таго, каб адшукаць прычыну, трэба было ўважліва паглядзець на злашчаснае фота з сумачкай. Дзяўчына фатаграфавалася на вуліцы і не звярнула ўвагі на тое, што на заднім фоне недзе ў далечыні была пара закаханых.

Жонка абуранага мужчыны таксама была падпісаная на майстрыху з Мінска. Можаце ўявіць сябе яе здзіўленне, калі на чарговым водгуку ў акаўнце майстрыхі яна пабачыла ўласнага мужа з невядомай паненкай. Канешне, жанчына тэрмінова ўключыла рэжым «Шэрлак Холмс» і высветліла, што ні ў якую камандзіроўку яе каханы не ездзіў ды і з дзяўчынай на фота ў яго далёка не працоўныя адносіны.

За два дні ролік набраў у тыктоку каля 735 тысяч праглядаў і 50 тысяч лайкаў.

У каментарыях жартуюць: мужчынам, якім па жыцці настолькі шанцуе, да казіно лепш нават не падыходзіць.

Каментары22

  • лол
    04.12.2024
    [Рэд. выдалена]
  • Тупенькія ціктокеры
    04.12.2024
    Інсцэніроўка на ўзроўні дзіцячага садка. Навошта гэтым людзям свабода?
  • магія
    04.12.2024
    сумачка-ішчэйка

Цяпер чытаюць

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі1

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Усе навіны →
Усе навіны

У Віцебску двухгадовы хлопчык упаў з дзясятага паверха

Паліна з Салігорска набрала 400 балаў на экзаменах. Вось куды яна будзе паступаць7

У Кіраўску брат забіў сястру, хочучы абараніць яе ад мужчын са сваіх галюцынацый

На Заслаўскім замку спрабуюць раскрыць таямніцу падземнага ходу2

Іран прыпыніў здабычу газу на найбуйнейшым у свеце радовішчы

Пасля разносу Лукашэнкі «Беларусьфільм» бярэцца ствараць «лінейку сваіх серыялаў»5

«Гэта не самы прывабны варыянт». Што думаюць беларусы пра ўвядзенне Грузіяй трохгадовага ДНЖ для айцішнікаў3

Трамп не збіраецца падпісваць заяву G7 па пытанні ізраільска-іранскага канфлікту

Чаму расіяне аддалі ўкраінцам целы забітых, а тыя — не?9

больш чытаных навін
больш лайканых навін

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі1

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Галоўнае
Усе навіны →

Заўвага:

 

 

 

 

Закрыць Паведаміць