Офіс Святланы Ціханоўскай распаўсюдзіў заяву ў сувязі з экстрадыцыяй экс-каліноўца Васіля Верамейчыка з В'етнама ў Беларусь.
«Офіс Святланы Ціханоўскай выказвае рашучы пратэст у сувязі з экстрадыцыяй грамадзяніна Беларусі Васіля Верамейчыка з В'етнама. Гэты крок з'яўляецца часткай працяглай рэпрэсіўнай палітыкі рэжыму Лукашэнкі, які не спыняецца перад нічым, каб пераследаваць сваіх апанентаў, у тым ліку тых, хто змагаецца за свабоду і дэмакратыю, а таксама тых, хто абараняе Еўропу ад агрэсіі Расіі», — гаворыцца ў заяве.
Офіс звяртае ўвагу, што гэты інцыдэнт падкрэслівае неабходнасць узмацнення міжнароднай абароны правоў чалавека, у тым ліку для тых, хто знаходзіцца пад пагрозай пераследу за сваю палітычную пазіцыю, а таксама для тых, хто актыўна падтрымлівае Украіну ў барацьбе з расійскай агрэсіяй.
Офіс Святланы Ціханоўскай звяртаецца да міжнароднай супольнасці з шэрагам настойлівых заклікаў:
- Змяніць падыходы да разгляду спраў аб прадастаўленні міжнароднай абароны, надаючы асаблівую ўвагу індывідуальнаму аналізу абставінаў кожнага асобнага выпадку.
- Разарваць супрацоўніцтва з сілавымі структурамі Рэспублікі Беларусь, якія ўдзельнічаюць у рэпрэсіях супраць грамадзян.
- Прыпыніць двухбаковую дамову аб экстрадыцыі і прававой дапамозе з Рэспублікай Беларусь, каб перашкодзіць экстрадыцыі палітычных зняволеных і актывістаў, якія пераследуюцца рэжымам Лукашэнкі.
Таксама Офіс настойліва рэкамендуе ўсім беларусам, якія знаходзяцца за межамі краіны, быць максімальна ўважлівымі і асцярожнымі, улічваючы магчымыя дзеянні спецслужбаў рэжыму Лукашэнкі. Каб мінімізаваць рызыку экстрадыцыі, ОСЦ заклікае правяраць сайт pashpart.org і ўваходзіць у кантакт з рэкамендацыямі адносна краін, у якія небяспечна накіроўвацца беларусам, якія апынуліся пад пераследам.
Каментары
https://d2accbiqacj5y8.cloudfront.net/324716