Ofis Cichanoŭskaj prakamientavaŭ ekstradycyju Vasila Vieramiejčyka
Ofis Śviatłany Cichanoŭskaj raspaŭsiudziŭ zajavu ŭ suviazi z ekstradycyjaj eks-kalinoŭca Vasila Vieramiejčyka z Vjetnama ŭ Biełaruś.
«Ofis Śviatłany Cichanoŭskaj vykazvaje rašučy pratest u suviazi z ekstradycyjaj hramadzianina Biełarusi Vasila Vieramiejčyka z Vjetnama. Hety krok źjaŭlajecca častkaj praciahłaj represiŭnaj palityki režymu Łukašenki, jaki nie spyniajecca pierad ničym, kab pieraśledavać svaich apanientaŭ, u tym liku tych, chto zmahajecca za svabodu i demakratyju, a taksama tych, chto abaraniaje Jeŭropu ad ahresii Rasii», — havorycca ŭ zajavie.
Ofis źviartaje ŭvahu, što hety incydent padkreślivaje nieabchodnaść uzmacnieńnia mižnarodnaj abarony pravoŭ čałavieka, u tym liku dla tych, chto znachodzicca pad pahrozaj pieraśledu za svaju palityčnuju pazicyju, a taksama dla tych, chto aktyŭna padtrymlivaje Ukrainu ŭ baraćbie z rasijskaj ahresijaj.
Ofis Śviatłany Cichanoŭskaj źviartajecca da mižnarodnaj supolnaści z šeraham nastojlivych zaklikaŭ:
- Źmianić padychody da razhladu spraŭ ab pradastaŭleńni mižnarodnaj abarony, nadajučy asablivuju ŭvahu indyvidualnamu analizu abstavinaŭ kožnaha asobnaha vypadku.
- Razarvać supracoŭnictva ź siłavymi strukturami Respubliki Biełaruś, jakija ŭdzielničajuć u represijach suprać hramadzian.
- Prypynić dvuchbakovuju damovu ab ekstradycyi i pravavoj dapamozie z Respublikaj Biełaruś, kab pieraškodzić ekstradycyi palityčnych źniavolenych i aktyvistaŭ, jakija pieraśledujucca režymam Łukašenki.
Taksama Ofis nastojliva rekamienduje ŭsim biełarusam, jakija znachodziacca za miežami krainy, być maksimalna ŭvažlivymi i aściarožnymi, uličvajučy mahčymyja dziejańni śpiecsłužbaŭ režymu Łukašenki. Kab minimizavać ryzyku ekstradycyi, OSC zaklikaje praviarać sajt pashpart.org i ŭvachodzić u kantakt z rekamiendacyjami adnosna krain, u jakija niebiaśpiečna nakiroŭvacca biełarusam, jakija apynulisia pad pieraśledam.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
https://d2accbiqacj5y8.cloudfront.net/324716