Lidarka biełaruskaj apazicyi Śviatłana Cichanoŭskaja zajaviła, što ŭ jaje niama padstaŭ nie daviarać litoŭskim śpiecsłužbam.
Tak Cichanoŭskaja prakamientavała situacyju vakoł kiraŭnicy Mižnarodnaha centra hramadzianskich inicyjatyŭ «Naš dom» Volhi Karač, jakoj było admoŭlena ŭ prytułku ŭ Litvie. Departamient dziaržaŭnaj biaśpieki Litvy pryznaŭ Karač pahrozaj nacyjanalnaj biaśpiecy.
«Ja nikoli nie pracavała z Volhaj Karač, my nikoli nie razmaŭlali. Tamu ja nie viedaju ŭsich padrabiaznaściaŭ hetaj situacyi, ale ŭ mianie niama padstaŭ nie daviarać litoŭskim instytutam», — cytuje Cichanoŭskuju LRT.
Jana zajaviła, što kali litoŭskaja raźviedka ŭstanović, što vychadcy ź Biełarusi ŭjaŭlajuć pahrozu nacyjanalnaj biaśpiecy Litvy, to takija ludzi pavinny nieści jurydyčnuju adkaznaść abo musiać być departavanyja z ulikam mižnarodnaha prava.
Cichanoŭskaja skazała, što jana mała viedaje pra dziejnaść Karač, ale joj viadoma, što jana dapamahaje biežancam ź Biełarusi.
«Ja viedaju, što jana davoli niehatyŭna da mianie stavicca, ale niama pryčyn, kab usie mianie lubili», — dadała jana.
Na minułym tydni sama Volha Karač raskazała rasijskim miedyja pra toje, što joj admovili ŭ prytułku, a pryčyna hetaha nibyta jaje intervju z Uładzimiram Žyrynoŭskim , a taksama ŭdzieł u šerahu kanfierencyj u RF, jakija pravodzilisia pry ŭdziele Jeŭrakamisii.
Paźniej stała viadoma, što pryčynaj admovy ŭ prytułku aktyvistcy Volzie Karač mahli stać padazreńni ŭ jaje supracoŭnictvie z rasijskaj raźviedkaj.
Volha Karač da 2020 hoda była častaj hościaj u rasijskich prakramloŭskich vydańniach, u pryvatnaści na «Lenta.ru» i «Hazieta.ru». Ad vosieni 2020 hoda jana atakavała Śviatłanu Cichanoŭskuju. Miemam stali słovy eks-siłavika Ihara Makara, što Juryj Ziankovič «pajechaŭ u Maskvu pad harantyi biaśpieki ad Volhi Karač». U Maskvie Ziankoviča aryštavali razam z Alaksandram Fiadutam.
Karač taksama biespaśpiachova padavała zajavy ŭ pravaachoŭnyja orhany Litvy i kamisii pa etycy na niezaležnyja miedyja.
Volha Karač sklikała pres-kanfierencyju — paraŭnała siabie ź Mierkiel, Bialackim i zajaviła, što biełaruski režym chacieŭ jaje zabić
Departamient dziaržbiaśpieki Litvy: Pryčyny pahrozy biaśpiecy Litvy z boku Karač nie tyja, pra jakija jana havoryć
Departamient dziaržbiaśpieki Litvy ličyć, što Volha Karač supracoŭničała z rasijskaj raźviedkaj — ŚMI
Volha Karač zajaviła, što jaje pryznali pahrozaj nacyjanalnaj biaśpiecy Litvy
Kamientary
siehodnia karač, zavtra eta