Hramadstva7373

Departamient dziaržbiaśpieki Litvy ličyć, što Volha Karač supracoŭničała z rasijskaj raźviedkaj — ŚMI

Pryčynaj admovy ŭ pradastaŭleńni prytułku aktyvistcy Volzie Karač mahli stać padazreńni ŭ jaje supracoŭnictvie z rasijskaj raźviedkaj. Ab hetym piša reform.by sa spasyłkaju na BNS. Litoŭskaje ahienctva śćviardžaje, što maje dakumient, u jakim Departamient dziaržbiaśpieki Litvy vykładaje hetyja padazreńni.

Volha Karač. Fota: Naša Niva

«Pa danych DDB, aktyvistka biełaruskaj apazicyi V. Karač, jakaja žyvie ŭ Litvie, supracoŭničała z rasijskaj vyviedkaj» , — cytuje BNS dakumient.

U im paznačana, što Karač nibyta naviedvała terytoryju Rasii ŭ 2015-19 hadach i sustrakałasia z pradstaŭnikami rasijskaj raźviedki, padtrymlivała ź imi kantakt praz «abiaźličanyja srodki suviazi», a taksama nibyta pieradała rasijskamu boku dakumienty, jakija źmiaščajuć infarmacyju ab pradstaŭnikach biełaruskaj apazicyi. 

Karač, zhodna z dakumientam, «imknułasia zaručycca padtrymkaj rasijskaha ŭrada ŭ svajoj palityčnaj dziejnaści ŭ Biełarusi i abmiarkoŭvała svaje mahčymyja palityčnyja abaviazacielstvy pierad Rasijaj z pradstaŭnikami rasijskaj raźviedki».

«Pradstaŭniki rasijskaj raźviedki kłapacilisia ab imidžy V. Karač u Litvie i za miažoj, davali parady i prapanovy pa dziejnaści ŭ publičnaj prastory, papiaredžvali i instruktavali, jak źnizić ryzyki», — pryvodzić ahienctva jašče adnu cytatu.

U dakumiencie taksama havorycca, što rasijskaja raźviedka moža vykarystoŭvać suviazi z Karač dla dziejnaści, nakiravanaj suprać Litvy i jaje intaresaŭ. Pry hetym u im jość spasyłki na zasakrečanuju infarmacyju, jakaja jość u Departamienta dziaržbiaśpieki.

Volha Karač admaŭlaje ŭsie takija abvinavačańni. Jana maje namier u aŭtorak pravieści pres-kanfierencyju.

«Ja ni z čym nie supracoŭničała i nie mahła supracoŭničać. Ja nie supracoŭničała ni ź jakimi instytutami varožych krain — ni Biełarusi, ni Rasii. Ja nikoli nie supracoŭničała, ja nie viedaju, chto što kaža, kali ŭ ich jość inšaja infarmacyja, niachaj publikujuć» , — adkazała jana Delfi na prośbu prakamientavać infarmacyju, jakaja źjaviłasia.

Na minułym tydni sama Volha Karač raskazała rasijskim ŚMI ab tym, što joj admovili ŭ pradastaŭleńni prytułku, a pryčynaj hetaha nibyta źjaŭlajecca jaje intervju z Uładzimiram Žyrynoŭskim , a taksama ŭdzieł u šerahu kanfierencyj u RF, jakija pravodzilisia pry ŭdziele Jeŭrakamisii.

Volha Karač da 2020 hoda była častaj hościaj u rasijskich prakramloŭskich vydańniach, u pryvatnaści, na «Lenta.ru» i «Hazieta.ru». Ad vosieni 2020 hoda jana atakavała Śviatłanu Cichanoŭskuju. Miemam stali słovy eks-siłavika Ihara Makara, što Juryj Ziankovič «pajechaŭ u Maskvu pad harantyi biaśpieki ad Volhi Karač». U Maskvie Ziankoviča aryštavali, razam z Alaksandram Fiadutam.

Karač taksama biespaśpiachova padavała zajavy ŭ pravaachoŭnyja orhany Litvy i kamisii pa etycy na niezaležnyja ŚMI. 

Kamientary73

  • Žvir
    21.08.2023
    Kali tak, dyk ci nie paviina jana być aryštavanaj i daprošanaj ? Nu, pahroza ž dziaržbiaspiecy, heta ž nie aby što ...
  • Vierojatnyj
    21.08.2023
    Čto otvietit Ciepkało?
  • Jak-40
    21.08.2023
    Moža heta jana padstaviła Ziankoviča i Fiadutu i z-za jaje jany hnijuć u turmach? Niachaj ciapier jana jedzie ŭ Rasieju.

Ciapier čytajuć

Maładuju arhanizatarku viasiellaŭ asudzili za «raspalvańnie varožaści»3

Maładuju arhanizatarku viasiellaŭ asudzili za «raspalvańnie varožaści»

Usie naviny →
Usie naviny

Na nastupnym tydni biełarusaŭ čakaje kamfortnaje nadvorje

Kandydat u prezidenty Polščy padčas teledebataŭ užyvaŭ stymulacyjnaje rečyva. Heta vyklikała vialiki rezanans18

Ispanskija navukoŭcy šukajuć ludziej, hatovych čatyry hady štodnia pić vino1

Stała viadoma, što moža ŭvajści ŭ 18-y jeŭrapiejski pakiet sankcyj suprać Rasii

U vioscy pad Minskam kupili dom za miljon dalaraŭ3

U Homieli pa palityčnych kryminalnych spravach zatrymlivali troch advakataŭ, adzin u SIZA2

U matčy Kubka Biełarusi pa futbole adbyłasia masavaja bojka pamiž hulcami VIDEA2

Pamior Uładzimir Sidarcoŭ4

Palitviaźniu Mikołu Dziadku vystavili novyja abvinavačańni1

bolš čytanych navin
bolš łajkanych navin

Maładuju arhanizatarku viasiellaŭ asudzili za «raspalvańnie varožaści»3

Maładuju arhanizatarku viasiellaŭ asudzili za «raspalvańnie varožaści»

Hałoŭnaje
Usie naviny →

Zaŭvaha:

 

 

 

 

Zakryć Paviedamić