U efiry na jutubie va ŭkrainskaha błohiera Alaksandra Rykava (Bałahanava) były siłavik Ihar Makar zrabiŭ šerah niečakanych zajavaŭ. U pieršuju čarhu jany tyčylisia asoby Volhi Karač.
Makar i Karač apošnija miesiacy byli palityčnymi paplečnikami, ale ciapier, akazvajecca, ichnija šlachi razyšlisia. Makar patłumačyŭ, čamu tak stałasia.
«Film «Mankurty» i zatrymańni ŭ Maskvie — heta ŭsio praca śpiecsłužb. Tam [dziejničała] kontrraźviedka, i tam [dziejničała] kontrraźviedka. I ciapier vierniemsia da zatrymanych ludziej — Fiaduty, Kastusiova i Ziankoviča.
Pieršaje. Kab zaciahnuć Ziankoviča ŭ Rasiju, patrebnyja byli vielmi mocnyja abhruntavańni. Ziankovič nie toj čałaviek, jaki palacić u Rasiju biez harantyj. Kab usio heta zrabić, była dakładna nazvanaja data — 9 maja rychtavaŭsia dziaržpieravarot. Mienavita 9 maja. Jość tolki adzin čałaviek, jaki hetuju datu biez majho viedama ahučvaŭ, nibyta ja ź joj zhodny. I mienavita hety čałaviek naŭprost stasavaŭsia sa spadarom Ziankovičam. I mienavita da hetaha čałavieka na strym prychodziŭ spadar Žyrynoŭski», — skazaŭ Makar.
Havorka viadoma pra Volhu Karač, jaje strym z kiraŭnikom ŁDPR narabiŭ kaliści niamała šumu.
Bałahanaŭ udakładniŭ, čamu Ziankovič pajšoŭ na harantyi Karač lacieć u Maskvu? Makar kaža: «Heta treba spytać asabista ŭ Karač, jana napramuju stasavałasia ź Ziankovičam».
«Ja chaču skazać tak: my praŭdu ŭžo nie daznajemsia. Ni ź Fiadutam, ni Ziankovičam, ni z Kastusiovym narmalna parazmaŭlać užo nie atrymajecca ni ŭ kaho z nas. Ja kažu pra preparaty, jakija prymianiajucca ŭ KDB i łamajuć čałaviečuju psichiku», — ličyć Makar.
Alaksandr Fiaduta i Juraś Ziankovič byli zatrymanyja 11 krasavika ŭ Maskvie. Na nastupny dzień u Škłovie byŭ zatrymany lidar Partyi BNF Ryhor Kastusioŭ. Im vystavili abvinavačańnie pa artykule 357 Kryminalnaha kodeksa — «Zmova abo inšyja dziejańni, ździejśnienyja z metaj zachopu dziaržaŭnaj ułady».
Makar kaža, što ŭ tych strymach, jakija demanstravalisia na telekanale ANT, pavinna była prysutničać Volha Karač, ale čamuści hetaha nie adbyłosia.
«Volha mianie vielmi šmat razoŭ padstaŭlała, vielmi šmat, biaskoncuju kolkaść razoŭ. Ja ad hetaha prosta stamiŭsia. Učora moj siabra skazaŭ: «Volha, davaj vy zaraz sustrakacca nie budziecie, bo vy svarycca budziecie, ale ty nie čapaješ Makara, a Makar nie čapaje ciabie». I ja zhadziŭsia, i jana. Ale jana ŭsiu noč pisała pra mianie niebylicy», — skazaŭ Makar.
Čytajcie jašče: Chto taki Ihar Makar — džokier albo pravakatar?
Chto takaja Volha Karač, jakaja choča padsiedzieć Cichanoŭskuju?
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju12
Kamientary