Вайна33

Пазіцыя Шольца па пастаўках Украіне дальнабойных ракет Taurus застаецца нязменнай

Дэбаты аб пастаўках ракетнай сістэмы Taurus Украіне разгарэліся ў Германіі з новай сілай: кіраўнікі партый ХДС/ХСС, СвДП і «Зялёных» патрабуюць як мага хутчэй ухваліць пастаўкі.

Фота: Wikimedia Commons

Абмеркаванне чарговы раз аднавілася пасля таго, як прэзідэнт ЗША Джо Байдэн дазволіў Украіне выкарыстоўваць ракеты ATACMS для ўдараў па глыбіні расійскай тэрыторыі.

Пазіцыя канцлера Германіі застаецца «нязменнай», заявіў намеснік афіцыйнага прадстаўніка ўрада ФРГ Вольфганг Бюхнер. З ягоных слоў, Олаф Шольц «выразна вызначыўся» ў гэтым пытанні і сказаў, што «не зменіць сваю пазіцыю», піша Bild.

Такім чынам, Шольц ідзе насуперак меркаванню найбуйнейшай апазіцыйнай партыі ХДС/ХСС, СвДП, якая выйшла з кіруючай кааліцыі, і нават свайго кааліцыйнага партнёра — партыі «Зялёныя».

Кандыдат у канцлеры ад Партыі «Зялёныя» Роберт Хабек заявіў, што, будучы кіраўніком урада, ён бы неадкладна адправіў Украіне крылатыя ракеты Taurus. Міністр замежных спраў ФРГ Аналена Бербак, сябра партыі «Зялёныя» адзначыла, што гаворка ідзе пра тое, каб «украінцы не чакалі, пакуль ракета перасячэ мяжу, а змаглі знішчыць вайсковыя базы запуску <…> загадзя».

Лідар ХДС Фрыдрых Мерц таксама даўно выступае за пастаўкі Taurus Украіне.

Кіраўнік СвДП Крысціян Лінднэр ужо доўгі час падтрымлівае перадачу Taurus. Кіраўнік фракцыі СвДП у Бундэстагу Крысціян Дзюр нават прапанаваў правесці паўторнае галасаванне па пытанні Taurus у парламенце да датэрміновых выбараў у Бундэстаг. Яго надзея ў тым, што да таго часу «Саюз», «Зялёныя» і СвДП змогуць сфармаваць большасць і пераадолець «вета» Шольца па пытанні ракет.

Ёсць адзін важны нюанс: нават калі Бундэстаг дасць зялёнае святло на пастаўкі Taurus, гэта рашэнне не будзе абавязковым да выканання.

Рашэнне аб пастаўках асобных відаў узбраенняў прымае не парламент, а Федэральная рада бяспекі. А гэта значыць, што апошняе слова застаецца за Шольцам, які ўзначальвае гэты орган.

Каментары3

  • Кончаныя
    18.11.2024
    [Рэд. выдалена]
  • Васіль
    18.11.2024
    [Рэд. выдалена]
  • Шольц ты
    18.11.2024
    [Рэд. выдалена]

Цяпер чытаюць

Былы памочнік Лукашэнкі Ігар Брыло прызнаў, што набраў хабараў на $2 мільёны

Былы памочнік Лукашэнкі Ігар Брыло прызнаў, што набраў хабараў на $2 мільёны

Усе навіны →
Усе навіны

Жыхара Івацэвічаў выгналі са школы за тое, што купляў смажанкі4

«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе2

Мільянер Варабей атрымаў права на забудову цэнтра Мінска — узамен за дарагую клініку для Лукашэнкі10

Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў10

Памятаеце бяздомную жанчыну, якой блогер-падлетак купіў кватэру? Здаецца, у гэтай гісторыі не будзе хэпі-энду10

Што народ думае пра «Малочную справу»? Вось выказванні людзей4

Расійскі самалёт-выведнік заўважылі над Балтыйскім морам — Германія падымала знішчальнікі6

У Беларусі прадаюць 24‑гадовую BMW па цане кватэры ў Мінску. За што такія грошы?8

Эстонія склікае пасяджэнне Рады бяспекі ААН з-за расійскіх знішчальнікаў, якія парушылі яе паветраную прастору5

больш чытаных навін
больш лайканых навін

Былы памочнік Лукашэнкі Ігар Брыло прызнаў, што набраў хабараў на $2 мільёны

Былы памочнік Лукашэнкі Ігар Брыло прызнаў, што набраў хабараў на $2 мільёны

Галоўнае
Усе навіны →

Заўвага:

 

 

 

 

Закрыць Паведаміць