МКС абвінаваціў Манголію ў парушэнні Рымскага статута за адмову арыштаваць Пуціна
МКС перадаў на разгляд дзяржавам-удзельніцам Рымскага статута справу Манголіі. Што пагражае Манголіі — невядома.
Палата папярэдняй вытворчасці Міжнароднага крымінальнага суда (МКС) пастанавіла, што, адмовіўшыся арыштоўваць Уладзіміра Пуціна, Манголія не выканала абавязацельстваў у рамках супрацоўніцтва з судом, што супярэчыць палажэнням Рымскага статута.
«Улічваючы сур'ёзнасць адмовы Манголіі супрацоўнічаць з судом, палата палічыла неабходным перадаць гэтае пытанне на разгляд Асамблеі дзяржаў-удзельніц», — гаворыцца ў прэс-рэлізе інстанцыі.
Якім будзе пакаранне для Манголіі — невядома.
Раней улады Манголіі заявілі, што краіна знаходзіцца ў энергетычнай залежнасці ад Расіі, і таму не можа арыштаваць Пуціна.
Кіраўнік Расіі наведаў Манголію з афіцыйным візітам 2-3 верасня.
Міжнародны крымінальны суд у Гаазе выдаў ордар на арышт Уладзіміра Пуціна і ўпаўнаважанай па правах дзіцяці ў РФ Марыі Львовай-Бяловай у сакавіку 2023 года.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары