Пуцін лічыць дазвол краін НАТА выкарыстоўваць дальнабойныя ракеты для ўдараў па Расіі іх прамым удзелам у вайне
Прэзідэнт Расіі Уладзімір Пуцін пракаментаваў планы заходніх краін дазволіць Украіне наносіць удары сваімі дальнабойнымі ракетамі па расійскай тэрыторыі. Ён пагражае, што гэта будзе расцэньвацца як прамое ўступленне НАТА ў вайну.
На думку Пуціна, украінская армія не можа самастойна выкарыстоўваць заходнюю зброю вялікай далёкасці, таму што для гэтага, маўляў, патрэбныя разведданыя са спадарожнікаў Еўрасаюза або ЗША. Да таго ж, лічыць Пуцін, палётныя заданні ў ракетныя сістэмы могуць уносіць толькі вайскоўцы краін НАТА.
Таму гаворка, як ён сцвярджае, ідзе не пра дазвол наносіць удары, а пра рашэнне краін НАТА «непасрэдна ўдзельнічаць у ваенным канфлікце». Калі такое рашэнне будзе прынята, то яно, маўляў, будзе азначаць што «краіны НАТА ваююць з Расіяй».
«Мы будзем прымаць адпаведныя рашэнні зыходзячы з тых пагроз, якія нам будуць стварацца», — падсумаваў Пуцін.
Варта адзначыць, што расійскія ўлады ведаюць пра тое, што многія палітыкі на Захадзе баяцца эскалацыі канфлікту, а асабліва свайго непасрэднага ўцягвання ў яго. Таму ад самага пачатку вайны расійскія чыноўнікі самага рознага ўзроўню і прапагандысты бясконца нагадваюць пра «чырвоныя лініі», пасля пераходу якіх Захадам Расія, маўляў, адрэагуе нейкімі страшнымі мерамі ў адказ. Часта гэтыя вербальныя пагрозы аказваюцца блефам, паколькі магчымасці самой Расіі абмежаваныя.
Сікорскі расказаў, як прымусіць Пуціна спыніць вайну
Зяленскі абмеркаваў з Блінкенам і Лэмі пытанне ўдараў па Расіі дальнабойнай зброяй. Вялікабрытанія ўжо згодная?
ЗША гатовыя дазволіць Украіне ўдары дальнабойнымі ракетамі па Расіі
Былы міністр абароны Вялікабрытаніі прапанаваў выставіць ультыматум Пуціну
Украіна стварыла ўласную высокадакладную бомбу
ЗША ўзгаднілі перадачу Украіне крылатых ракет вялікай далёкасці для F-16 — Reuters
Цяпер чытаюць
Лосік расказаў, як Бабарыку катавалі ў наваполацкай калоніі25
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары