Гуманны беларускі суд: адпусцілі жонку расійскага вайскоўца, якая атрымала 3 гады калоніі за наркотыкі
Суд у Беларусі вызваліў раней асуджаную да 3 гадоў калоніі 31-гадовую грамадзянку Расіі Вольгу Шмалюк, жонку ўдзельніка вайны ва Украіне. Гэта было, як піша «Московский комсомолец», зроблена пасля таго, як «да беларускіх уладаў звярнуліся супрацоўнікі расійскай амбасады і праваабаронцы».
Раней Вольга Шмалюк была затрыманая на расійска-беларускай мяжы з 0,09 грам марыхуаны і люлькай для курэння ў кішэні.
Паводле сцвярджэнняў жанчыны, у Беларусь яна паехала, каб даглядаць і забраць да сябе прыкаванага да ложка бацьку. Ужо там яна даведалася, што яе муж цяжка паранены ва Украіне. Таксама і ў яе самой выявілі анкалагічнае захворванне.
На зваротным шляху жанчыну затрымалі і асудзілі да трох гадоў калоніі.
Аднак умяшалася расійская амбасада і «праваабаронцы», пасля чаго ў апеляцыйным судзе палічылі, што пакаранне можа быць і мякчэйшым.
Калонію замянілі на штраф, які спаганяць не будуць, бо, маўляў, Шмалюк яго ўжо пакрыла сядзеннем у СІЗА. Больш таго — ёй нават нібыта далі грошай на праезд дадому.
Цяпер жанчына, піша «Московский комсомолец», ужо ў Маскве, дзе лечыцца сама і дапамагае стаць на ногі мужу.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары