Humanny biełaruski sud: adpuścili žonku rasijskaha vajskoŭca, jakaja atrymała 3 hady kałonii za narkotyki
Sud u Biełarusi vyzvaliŭ raniej asudžanuju da 3 hadoŭ kałonii 31-hadovuju hramadzianku Rasii Volhu Šmaluk, žonku ŭdzielnika vajny va Ukrainie. Heta było, jak piša «Moskovskij komsomolec», zroblena paśla taho, jak «da biełaruskich uładaŭ źviarnulisia supracoŭniki rasijskaj ambasady i pravaabaroncy».
Raniej Volha Šmaluk była zatrymanaja na rasijska-biełaruskaj miažy z 0,09 hram marychuany i lulkaj dla kureńnia ŭ kišeni.
Pavodle śćviardžeńniaŭ žančyny, u Biełaruś jana pajechała, kab dahladać i zabrać da siabie prykavanaha da łožka baćku. Užo tam jana daviedałasia, što jaje muž ciažka paranieny va Ukrainie. Taksama i ŭ jaje samoj vyjavili ankałahičnaje zachvorvańnie.
Na zvarotnym šlachu žančynu zatrymali i asudzili da troch hadoŭ kałonii.
Adnak umiašałasia rasijskaja ambasada i «pravaabaroncy», paśla čaho ŭ apielacyjnym sudzie paličyli, što pakarańnie moža być i miakčejšym.
Kałoniju zamianili na štraf, jaki spahaniać nie buduć, bo, maŭlaŭ, Šmaluk jaho ŭžo pakryła siadzieńniem u SIZA. Bolš taho — joj navat nibyta dali hrošaj na prajezd dadomu.
Ciapier žančyna, piša «Moskovskij komsomolec», užo ŭ Maskvie, dzie lečycca sama i dapamahaje stać na nohi mužu.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary