Прахадны бал на стаматалагічны факультэт у БДМУ склаў 395 балаў
Не адстаюць і іншыя факультэты. У чым прычына?
Самы высокі прахадны бал на бюджэт у Беларускім дзяржаўным медыцынскім універсітэце склаўся на стаматалагічным факультэце, паведаміў БелТА адказны сакратар прыёмнай камісіі Андрэй Гіндзюк.
«Мы залічылі абітурыентаў на бюджэтную форму навучання. Як і планавалася, сёлета акцэнт зроблены на мэтавы набор. Ад 60% да 80% бюджэтных месцаў занята абітурыентамі, залічанымі па мэтавым накіраванні. Астатнія месцы занялі рабяты ў залежнасці ад колькасці балаў, набраных на ЦТ або ЦЭ», — сказаў Андрэй Гіндзюк.
Ён удакладніў, што самы высокі прахадны бал на стаматалагічным факультэце — 395 [тэарэтычна максімальны мог быць 400 — НН]. На лячэбным факультэце прахадны бал — 376, фармацэўтычным — 375. Крыху менш на педыятрычным — 362 і медыка-прафілактычным факультэце — 316.
Па словах адказнага сакратара прыёмнай камісіі, даволі высокія прахадныя балы ў ваенна-медыцынскім інстытуце. Прайшло сем конкурсаў у залежнасці ад запытаў сілавых міністэрстваў і ведамстваў.
«У выніку склаўся даволі высокі конкурс: хлопцы і дзяўчаты рыхтаваліся да паступлення ў ваенна-медыцынскі інстытут пачынаючы з вясны, праходзілі прафадбор, здавалі фізпадрыхтоўку. Была пададзена дастаткова вялікая колькасць заяў. Залічэнне адбылося, усе бюджэтныя месцы заняты», — сказаў ён.
Цяпер, як адзначыў Андрэй Гіндзюк, працягваецца набор на платную форму падрыхтоўкі. Заявы прымаюцца да 1 жніўня. Ужо зараз бачна, што колькасць жадаючых вышэйшая за колькасць месцаў. «Бачым папярэдні бал, але чакаем, што ў апошнія дні яшчэ магчымы рух. Хлопцы, якія сумняваюцца, могуць данесці дакументы, вызначыцца з факультэтам», — сказаў ён, дадаўшы, што залічэнне на платную форму падрыхтоўкі плануецца 2 жніўня.
-
Дзяржбяспека Літвы: «Наш дом» Карач штучна стварае ўмовы, каб беларусы, што не адпавядаюць крытэрыям міжнароднай абароны, атрымлівалі ВНЖ у Літве
-
«Грузія так і не стала домам». Айцішнік не змог прызвычаіцца да краіны, хоць падатак складае 1%, — цяпер абірае паміж Іспаніяй і ЗША
-
23‑гадовага афіцэра брыгады спецназа асудзілі на 19 гадоў за «здраду дзяржаве»
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары