Prachadny bał na stamatałahičny fakultet u BDMU skłaŭ 395 bałaŭ
Nie adstajuć i inšyja fakultety. U čym pryčyna?
Samy vysoki prachadny bał na biudžet u Biełaruskim dziaržaŭnym miedycynskim univiersitecie skłaŭsia na stamatałahičnym fakultecie, paviedamiŭ BiełTA adkazny sakratar pryjomnaj kamisii Andrej Hindziuk.
«My zaličyli abituryjentaŭ na biudžetnuju formu navučańnia. Jak i płanavałasia, sioleta akcent zrobleny na metavy nabor. Ad 60% da 80% biudžetnych miescaŭ zaniata abituryjentami, zaličanymi pa metavym nakiravańni. Astatnija miescy zaniali rabiaty ŭ zaležnaści ad kolkaści bałaŭ, nabranych na CT abo CE», — skazaŭ Andrej Hindziuk.
Jon udakładniŭ, što samy vysoki prachadny bał na stamatałahičnym fakultecie — 395 [tearetyčna maksimalny moh być 400 — NN]. Na lačebnym fakultecie prachadny bał — 376, farmaceŭtyčnym — 375. Krychu mienš na piedyjatryčnym — 362 i miedyka-prafiłaktyčnym fakultecie — 316.
Pa słovach adkaznaha sakratara pryjomnaj kamisii, davoli vysokija prachadnyja bały ŭ vajenna-miedycynskim instytucie. Prajšło siem konkursaŭ u zaležnaści ad zapytaŭ siłavych ministerstvaŭ i viedamstvaŭ.
«U vyniku skłaŭsia davoli vysoki konkurs: chłopcy i dziaŭčaty rychtavalisia da pastupleńnia ŭ vajenna-miedycynski instytut pačynajučy ź viasny, prachodzili prafadbor, zdavali fizpadrychtoŭku. Była padadziena dastatkova vialikaja kolkaść zajaŭ. Zaličeńnie adbyłosia, usie biudžetnyja miescy zaniaty», — skazaŭ jon.
Ciapier, jak adznačyŭ Andrej Hindziuk, praciahvajecca nabor na płatnuju formu padrychtoŭki. Zajavy prymajucca da 1 žniŭnia. Užo zaraz bačna, što kolkaść žadajučych vyšejšaja za kolkaść miescaŭ. «Bačym papiaredni bał, ale čakajem, što ŭ apošnija dni jašče mahčymy ruch. Chłopcy, jakija sumniavajucca, mohuć danieści dakumienty, vyznačycca z fakultetam», — skazaŭ jon, dadaŭšy, što zaličeńnie na płatnuju formu padrychtoŭki płanujecca 2 žniŭnia.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary